Украина. Янгиликлар: Россия украин қўшинлари илдамлаётган ерларни қайтариб олмоқчи Putin Rossiya Ukraina Yangiliklar
Сурат манбаси, AFP
Украина шарқи ва жанубида яна бир неча қишлоқ ва аҳоли масканлари Украина қуролли кучларининг назоратига ўтар экан, Россия раҳбарияти ўз қўшинлари чекинган ҳудудларни қайтариб оламиз дейди.
Кремль матбуот котиби Дмитрий Песков Би-би-сига Россия бу ҳудудларни Украинадан қайта тортиб олади деди.
"Ҳудудлар абадий Россияники бўлади, улар қайтариб олинади", деди Песков.
Украина: Путин қасос олишни бошладими?
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Алоқадор мавзулар:
Сурат манбаси, kremlin.ru
Ўтган ҳафта Россия Украинанинг Херсон ва Запорожье вилоятларини, ўзларини мустақил республикалар деб эълон қилган Луҳанск ва Донецк вилоятларини аннексия қилганини эълон этди.
Аннексия эълонининг эртаси куни Донецкнинг муҳим стратегик темир йўл тугуни жойлашган Лиман шаҳри Украина қўшинлари назоратига ўтди.
Охирги кунларда эса Украина ҳарбийларининг ҳам шимоли-шарқий йўналишда, ҳам жанубдаги Херсон вилоятида янада кўпроқ ҳудудларни ўз қўлларига олгани хабар қилинмоқда.
Британия разведкасига кўра, Украина кучлари 20 километр олдинга силжиганлар.
Ушбу ҳужумлар Россия Президенти Путин Москва ўзиники деб эълон қилган Украина ҳудудларида вазият "барқарорлашига" умид қилишини айтиши ортидан амалга ошган.
Айни пайтда ҳар тун халқига мурожаат қиладиган Украина Президенти Володимир Зеленский аксил ишғол операциялар натижасида янад кўпроқ қишлоқлар Киев назоратига ўтганини хабар қилмоқда.
6 октябрдан 7 октябрга ўтар кечаси Запорожье шаҳрига ҳужумлар инсоний талофатларга сабаб бўлди.
Украина расмийларига кўра, Россия тунда шаҳарга қарата еттита қанотли ракета отган.
Оқибатда кўп қаватли турар-жой биноси вайрон бўлган, бир неча инсон ҳаётдан кўз юмган.
Вайроналар остида қидириш қутқарув ишлари бошланган, қутқарувчилар уч инсон жасадини топганларини хабар қилдилар.
Украина Ташқи ишлар вазири Дмитро Кулеба Запорожьедаги ўз уйларида ухлаб ётган инсонларни ҳужумларга тутгани учун Россия жазоланишини талаб қилиб чиқди.
Украина босқини учун Европа Иттифоқи Россияга қарши янги жазо чораларини кучга киритди.
Бу ЕИнинг Россияга қарши санкцияларининг саккизинчи пакети бўлди.
ЕИ раҳбариятига кўра, ушбу санкциялар Россиянинг экспорт имкониятларини чеклашга қаратилган.
Шунингдек, Россия ўзининг электроника, авиатехника ва кимёвий саноати учун Ғарбдан эҳтиёт қисмлари харид қилишдан мосуво бўлади, бу нарса эса Россия ҳарбий саноати фаолиятини кескин чеклайди.
Ушбу жазо чоралари Россия нефтини учинчи давлатларга сотишда нархни чеклаш мақсадини кўзлаган, шу йўл билан Россия даромадини камайтириш кўзланган.
Европа Иттифоқи расмийларига кўра, ушбу янги тақиқлар Россия учун 7 миллиард евролик импорт чекловига олиб келади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
