Украина уруши: Калининград қамалда қолдими? - Видео Ukraina Rossiya Янгиликлар
Сурат манбаси, Reuters
17 июндан Европа Иттифоқи санкцияларининг тақиқланган товарларни Россияга олиб кириш ва транзитни тақиқлаш ҳақидаги чоралари кучга кирди, Литва ўзининг ҳудудидан Россиянинг Болтиқ денгизи соҳилидаги Калининград вилоятига транзитни чеклашини маълум қилди.
Бу Россия раҳбариятини қаттиқ ғазаблантирди.
Литванинг Москвадаги вакили Россия Ташқи ишлар вазирлигига чақиртирилди, Литвага қарши чоралар кўрилиши ҳақида огоҳлантирилди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Россия Хавфсизлик Кенгаши раҳбари Николай Патрушев Калининградга бориб мажлис ўтказди.
Жаноб Патрушев Ғарбни Россияга нисбатан "душманона амаллар"да айблади, бунинг оқибатлари Литва халқига ёмон бўлиши мумкинлигини айтди.
Бироқ АҚШ НАТО уставининг 5 моддасига содиқлигини эслатди, унда агар НАТОга аъзо бир мамлакатга ҳужум бўлса, барча аъзолар урушга қўшилиши кўзда тутилади.
Литва НАТО аъзоси ҳисобланади.
Калининград атрофини Европа Иттифоқига кирган мамлакатлар ўраб олган, қуруқликдан фақат Литва ҳудудидан Россияга ўтиш мумкин.
Орадаги масофа 480 километр.
Ҳозир ҳам россияликлар темир йўл орқали Литвадан ўтиб Калининградга етадилар.
Литва фақат Европа Иттифоқи санкциялари рўйхатига тушган товарлар транзитини тўсаётгани, оддий йўловчилар ва санкцияга тушмаган маҳсулотларни олиб ўтишда ҳеч қандай муаммо йўқлигини айтади.
Россияга қарши жазо чораларидан Калининграддаги бизнеслар ҳам жабр кўра бошлаган.
Шулардан бири бизнесмен Игорь Плешковнинг бетон заводи.
Шу йил март ойидан буён бетон заводи цемент ололмай қолди.
Цемент ортилган вагонлар Литвадан ўтказилмай қўйилди, завод ўз маҳсулотларини ҳам сотолмай қолди.
"Санкциялар нафақат бизнинг корхонамизга, балки ҳар бир хўжаликка таъсир қилади. Ҳозир ишлаб чиқаришимиз тўхтаб қолган. Биз маҳсулот чиқармаяпмиз, қурувчилар қурилиш қилолмаяпти. Бу занжир реакцияси бўлаяпти", деди Би-би-сининг Россия муҳаррири Стив Розенбергга Игорь Плешков.
- Германия замбараклари Украинада, фақат "Азот" Украина назоратида
- Россия уруши: Украинага 1 миллиард долларлик қурол-яроғ ваъда қилинди - Видео
- НАТО урушга тайёргарлик кўряптими? Европа осмонида Россия ва НАТО самолётлари яқинлашди
- Путин ўзини Пётр I га қиёслади ва вазифаси Россия ерларини қайтариш эканини айтди
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
