100 аёл: Россияда 9 жойда ишлайдиган ўзбек суперфаррош - Rossiya migrant
Сурат манбаси, BBC O'zbek
Фарғоналик Гулчеҳра Акбарова Москвада 9 жойда фаррошлик қилади.
Улардан ташқари қути ва темир-терсак йиғиб топширади, уйлар тозалайди.
Буларнинг барига қандай улгуради?
Би-би-си Ўзбек хизмати 12 йилдан буён Россияда меҳнат муҳожирлигидаги Гулчеҳранинг ҳаёти билан бироз яқиндан танишди.
"Соат 5 яримда туриб, дўконларни тозалаш учун йўлга тушаман. Тушгача бир айланиб ҳаммасини тозалаб келаману бироз дам оламан. Соат 16 лардан кейин ярим кечасигача яна бир айланиб тозалаб келаман" - гапириб беради муҳожир.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Гулчеҳра Акбарова Фарғона вилоятининг Учкўприк туманидан.
2010 йил октябрида Москвага ишлашга келган.
Россиягача Тошкентда мардикорлик қилиб тирикчилик қилган бу аёл "меҳнатнинг уяти йўқ" дейди.
"Келесдаги иссиқхоналарда мардикор бўлиб ишлаган пайтимда юпун кийимим учун устимдан кулишган. Юрагимда доғ бўлиб қолиб кетган"- дейди Гулчеҳра.
Россияга келгач, аввал сотувчилик, кейин қурилишда ошпазлик қилган аёл ҳужжати бўлмагани учун фаррошлик қилишга мажбур бўлгани, шу билан бу иши ўзига маъқул бўлиб қолиб кетганини айтади.
12 йиллик мусофирликда унинг бошидан нималар кечди? Болалигида Ички ишлар тизимида ишлашни орзу қилган аёл нима учун полициядан норози? У бир пайтнинг ўзида ўнга яқин жойда ишлаб, қайси орзу-мақсадларини амалга оширди?
Фарғоналик 45 ёшли суперфаррош Гулчеҳра Акбарова ҳақидаги лавҳамизда танишинг.
Би-би-сининг 100 аёл лойиҳаси ҳар йили дунё бўйлаб энг таниқли, илғор ва илдам 100 аёлни танлаб олади. Уларнинг муваффақият сирлари ва қилаётган илҳомбахш ишларини бошқалар билан ўртоқлашади.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
