Сўз Сизга. Ўзбекистон: Россия ҳозирча индамай турибдими? Ҳақиқий куч энди Хитойми ёки Россия “ҳаммасини йўқ қиворади”ми – ижтимоий тармоқларда гап... Rossiya Ukraina O‘zbekiston Yangiliklar

Ҳафта воқеасига ўзбекистонликлар нима дейди?

Алоқадор мавзулар:

Эътиборга тушган ва турган янгилик

Шу кунларда АҚШ бутун дунёнинг эътиборини ўзига тортди.

Расмий Вашингтон ўзининг узоқ кутилган қарорини берди, кескин кетди.

Украинанинг зиддиятли сўровини алал-оқибат қондирди.

Россия босқинидан ҳимояланиши учун иттифоқчиларининг Украинага қирувчи самолёт беришларига рози бўлди.

Украинага берилиши кўзда тутилаётган F-16 Американинг сўнгги русумдаги қирувчи самолётларидан бири бўлади.

Расмий Киев бундай қилмасликка ваъда бериб бўлган эса-да, назарияда Украинага Россиянинг ўзини ҳам нишонга олишга имкон беради.

Расмий Вашингтоннинг сўнгги қарорига Россиянинг жавоби кескин бўлди.

Россия АҚШ "қаттиқ таваккал қилаётгани" билан огоҳлантирди.

Воқеаларнинг сўнгги ривожи Украина қарши ҳужумларини бошлашга ҳозирлик кўраётган бир пайтга тўғри келди.

Янгилик Учинчи жаҳон уруши атамасининг ҳам истеъмолга олиб чиққани кўрилди.

Россия ҳам Украинани ҳар томонлама дастаклашда дунёнинг олд давлатларидан бири бўлган Америка Қўшма Штатлари каби ядровий қудрат.

Украина уруши фонида давлатчилигига хавф туғдирилган пайтда ядровийси илова ўзининг ихтиёрида бўлган ҳар қандай оммавий қирғин қуролини ишга солишга қонунан ҳақли экани билан бир эмас, бир неча бор таҳдид қилишга ҳам улгурган.

Яқинда НАТОга аъзо Польша ва Словакия ҳам кетма-кет Украинага МиГ-29 русумидаги қирувчи самолётлар беришга ваъда қилишган.

Россия бунга жавобан Украинага иттифоқчилари беражак ҳар қандай қирувчи самолётни йўқ қилиши билан таҳдид қилган.

Шундай экан, энди Путин ва Россиянинг жавоби ёмон бўладими?

Акс-садолар

Би-би-си Ўзбек хизматининг худди шу мавзудаги мақоласи ва постлари шу кунларда энг кўп эътибор топганларидан бири бўлди.

Бир кеча-кундузнинг ўзида биргина акаунтининг ўзида қолдирилган коментларнинг сони юздан ортди, муҳокамаларни қизитди.

"АҚШга ҳамма нарса мумкинми - йўқ, бунга Россия ҳеч қачон йўл қўймайди. Икки қутбли дунёда энг кучлиси - Россия. Буни бутун дунё билиб турибди", - деб ёзган, жумладан, Хайрулло Ҳошимов.

Фойдаланувчимиз шу коментининг ўзи ҳам қизғин муҳокамаларга сабаб бўлган.

Бунга жавобан Аброр Хайруллаев, "Путиннинг дастидан деб, АҚШ учун Россия ҳозир ҳеч қандай иккинчи куч эмас. Ҳаттоки иккинчи армия ҳам эмас. Ҳақиқий куч энди Хитой. Иқтисодий, сиёсий ва ҳарбий тарафдан", - деб ёзган.

Муҳокамаларга кейин Nauvfal Shamurotov ҳам қўшилган. Аброр Хайруллаевнинг коментига ўз муносабатини билдираркан, "бекор айтвоссиз, Россия ҳали полний уруш обормади, йўқ қиворади ҳаммасини", - деган.

Хайрулло Ҳошимовнинг коментига энг сўнггида фикр билдирган Gulhexra Karimoua эса, "Тўғри, ҳозирча Россия индамай турипти, Россия кучли давлат, ҳамма билиб, билмай фикр билдиряпти, ҳеч ким ўйламаяптики, қанча фарзандларимиз Россияда ишлаб, Ўзбекистонга пул жўнатяпти, Россия уруш қилгани билан ишчиларнинг ойлигини беряпти, халқини боқяпти, бизда-чи, оддий мисол, ўзимизнинг ўзбегимиз, оғир ҳолатдаги вақтда ҳамма нарса қиммат бўлди, рўзада-чи, нарх кўтарилади, инсонлар рўза тутиб, баъзи нарсаларни олиб ея олмайди, астағфируллоҳ, қимматлигидан, яна мусулмонмиз, русларга бош эгмаймиз эмиш", - деб ёзган.

Нургелди Есеров фикрича, "Россия шунақа кучли Давлат...Бир ЎЗИ Натонинг 51 давлати билан уришаяпти...".

Абдунаби Юлдашев эса, "Россия буюк давлатмиди?", - дея савол қўйган.

Gulnoza Ganiyeva нинг ёзишича, "Шундай ҳам халқи ўлиб, кўпчилиги юртини тарк этди ва этмоқда".

Иван Иванов га кўра, "НАТО, АҚШнинг аҳмоқона фикри Ғарб давлатларини азоб-уқубатга олиб келади".

Абдулахад Бекметов наздида, "Мантиқ йўқ Салливан гапида".

"Украинага самолёт бераркан-да, яна 3-жаҳон урушининг олдини олармиш. Сув лойқалатган ўзи шулар, Европаниям ноғорасига ўйнатиб юрибди", - деган бу фойдаланувчимиз ўз коментида давом этаркан.

Шуҳрат Қодиров эса, "бутун одамзот атом уруши билан якунланиб, йўқ бўлиб кетамиз, шу...", - дея ўз коментига учта нуқта билан якун ясаган.

Mike Smith, "Майдалашмасдан, бирданига F-35 керак эди-да", - деган.

Худди шундай деб комент қолдирган M.S эса, бунга қўшимча яна "духи етса", - деб ҳам қўйган.

Qandiyor Nishonov фикрича эса, "Қурол бергандан кўра, яраштириш керак".

BBC: Россия Украинада уруш очганига эса, бир йилдан ошди.

Истиқболда тинчлик музокаралари ҳалича кўринмайди.

Рақиб томонлар бир-бирларига илгари сураётган талабларни қабул қилиб бўлмас, деб туришибди.

Хитой ва Украина президентининг тинчлик режалари ҳам ҳозирча жиддий эътибор топмаган, зиддиятли муносабатларга сабаб бўлганича қолган.

Ғарбнинг шу кунларда янграган даъватига қулоқ тутиб, расмий Пекиннинг урушни бас қилиб, Украина ҳудудидан зудлик билан, бирор бир шартларсиз чиқиб кетиши учун Россияга қанчалик босим ўтказиши ва ўтказа олиши ҳам ҳозирча савол остида.

Ўзбекистон қолган барча Марказий Осиё давлатлари каби Россиянинг Украинага босқинини на-да ошкора қўллаган ва на-да қоралаган, шу кунга қадар ҳам бетараф мавқеъдалигича қолмоқда.

ttps://t.me/bbcuzbek

BBC.COM/UZBEK

Telegramda bog'lanish raqami +44 7858860002