جنوبی امریکہ میں سیلاب، ڈیڑھ لاکھ افراد کی نقل مکانی
،تصویر کا ذریعہAFP
براعظم جنوبی امریکہ میں پیراگوئے، ارجنٹینا، یوروگوئے، اور برازیل میں گذشتہ نصف صدی میں آنے والے سب سے تباہ کن سیلاب میں ڈیڑھ لاکھ افراد بے گھر جبکہ امریکہ کی مغربی ریاستوں میں طوفان کے نتیجے میں ہلاکتیں کم از کم 29 ہو گئی ہیں۔
<link type="page"><caption> امریکہ میں شدید طوفان سے 11 افراد ہلاک، متعدد زخمی</caption><url href="http://www.bbc.com/urdu/world/2015/12/151225_us_storm_deaths_update_rwa.shtml" platform="highweb"/></link>
<link type="page"><caption> میکسیکو میں سمندری طوفان کے بعد اب سیلاب کا خطرہ</caption><url href="http://www.bbc.com/urdu/world/2015/10/151024_maxico_hurricane_update_zz.shtml" platform="highweb"/></link>
جنوبی امریکی ممالک میں حکام کے مطابق تقریبا ڈیڑھ لاکھ افراد کو نقل مکانی پر مجبور ہونا پڑا ہے۔
النینو کے زیر اثر کئی دنوں سے جاری تیز بارش کے سبب ان ممالک سے گزرنے والی تین اہم دریا طغیانی پر ہیں اور حکام نے اس میں مرنے والوں کی تعداد چھ بتائی ہے۔
پیراگوئے میں ہنگامی صورت حال نافذ کر دی گئی ہے اور تقریبا ایک لاکھ 30 ہزار کو اپنے گھر بار چھوڑ کر بھاگنا پڑا ہے۔ جنوبی امریکہ میں پیراگوئے سب سے زیادہ متاثر ہوا ہے۔
،تصویر کا ذریعہGetty
شمالی ارجنٹینا میں تقریبا 20 ہزار افراد کو اپنے گھر بار چھوڑنے پر مجبور ہونا پڑا ہے۔
برازیل اور یوروگوئے کے سرحدی علاقوں میں آنے والے دنوں خشک موسم کی پیشین گوئی کی گئی ہے لیکن پیراگوئے اور ارجنٹینا میں پانی کے سطح میں مزید اضافے کی بات کہی جا رہی ہے۔
End of سب سے زیادہ پڑھی جانے والی
پیراگوئے کے دارالحکومت اسنشیئن میں بہنے والا دریا اپنے بند سے باہر آنے سے صرف ایک فٹ نیچے ہے اور حکام نے خدشہ ظاہر کیا ہے کہ اس کے بند ٹوٹنے یا پانی کی سطح میں اضافے کے نتیجے میں وسیع علاقے میں سیلاب کا پانی پھیل جائے گا۔ اور اس سے شہر میں رہنے والے ہزاروں افراد متاثر ہوں گے۔
،تصویر کا ذریعہReuters
پیراگوئے کے نیشنل ایمرجنسی دفتر کا کہنا ہے کہ سیلاب ال نینیو کا براہ راست نتیجہ ہے جس میں بارش کی شدت اور دورانیے میں اضافہ ہو جاتا ہے۔
چار افراد کے پیڑوں کے نیچے دب کر مرنے کی تصدیق کی گئی ہے جکہ تیز ہواؤں کے نتیجے تقریبا 200 بجلی کے کھمبے گرنے کی وجہ سے بجلی منقطع ہے۔
ارجنٹینا میں کم از کم دو افراد سیلاب کی وجہ سے ہلاک ہوئے ہیں اور اس کا شمال مشرقی علاقہ زیادہ متاثر ہے جبکہ 20 ہزار افراد کو نقل مکانی پر مجبور ہونا پڑا ہے۔
برازیل میں تقریبا دو ہزار خاندانوں کو ریو گرانڈ دو سول صوبے کے تقریبا 40 قصبوں سے نکالا گیا ہے۔ صدر جیلما روسیف نے سنیچر کو سیلاب زدہ علاقے کا دورہ کیا۔
خیال رہے کہ لاطینی امریکہ کے ان ممالک میں گذشتہ ایک ہفتے سے بارش جاری ہے اور یوروگوئے اور کوارائے دریا طغیانی پر ہیں۔
،تصویر کا ذریعہAP
جبکہ دوسری جانب امریکی ریاست ٹیکساس میں پولیس کا کہنا ہے ایک ہفتے سے جاری شدید طوفان، بارشوں اور سیلاب کے نتیجے میں صرف ٹیکساس میں 11 افراد ہلاک ہو گئے جبکہ ہلاک ہونے والوں کی مجموعی اب کم از کم 29 ہوگئی ہے۔
ڈیلس کے قریب گارلینڈ کے علاقے میں کم از کم آٹھ افراد ہلاک ہو گئے جن میں سے پانچ ایک کار میں موجود تھے جب وہ موٹر وے پر سیلابی پانی کی نظر ہوئی۔ بعد میں تین لاشیں ایک اور کاؤنٹی سے ملیں۔
حکام کا کہنا ہے کہ مغربی ٹیکساس اور نیو میکسیکو میں کافی زیادہ تند ہوائیں چل سکتی ہیں جن کی وجہ سے 16 انچ تک برف پڑ سکتی ہے۔
ماہرین موسمیات نے اس طوفان کو’انتہائی خطرناک‘ قرار دیا ہے۔
ٹیکساس سے آنے والی اطلاعات کے مطابق جنوبی ڈیلس سے لے کر شمال مشرقی نواحی علاقوں تک کے 64 کلو میٹر لمبے علاقے میں طوفان کی وجہ سے گرجے تباہ ہو گئے ہیں، گاڑیاں الٹ گیئں اور درخت گر گئے۔
،تصویر کا ذریعہAP
حکام کا کہنا ہے کہ طوفان کی وجہ سے شمالی مسی سپی میں سات، ٹینیسی میں تین جبکہ آرکنساس میں ایک شخص ہلاک ہوا۔
اطلاعات کے مطابق طوفان کی تیز ہواؤں نے مکانوں کو بھی شدید نقصان پہنچایا ہے۔ مسی سپی میں تقریباً 400 مکانات جزوی یا مکمل طور پر تباہ ہو چکے ہیں جبکہ زخمیوں کی تعداد 56 تک پہنچ گئی ہے۔
ماہرین موسمیات نے کینٹکی، ایلاباما، انڈیانا، الینوئے اور مزوری کی ریاستوں میں کرسمس سے پہلے خراب موسم کی پیش گوئی کی تھی۔
