ماؤنٹ نیراگونگو: کانگو میں آتش فشاں پھٹنے سے ہونے والی تباہی تصاویر میں

جمہوریہ کانگو میں آتش فشاں ماؤنٹ نیراگونگو کے پھٹنے کے بعد قریبی شہر گوما کے ہزاروں رہائشی اپنے گھر بار چھوڑنے پر مجبور ہو گئے ہیں۔

بیس لاکھ کی آبادی والے اس مشرقی شہر کے قریب اس آتش فشاں سے لاوا پھوٹنے کے بعد شہر پر لال بادل چھا گئے تھے۔

شہر کے مختلف حصوں میں لاوا عمارتیں اور شاہراہیں تباہ کرتا گیا اور اس دوران لوگوں نے اپنے گھروں کو آگ سے بچانے کی ناکام کوششیں کیں۔

شہر کی مختلف عمارتوں کے درمیان سے لاوا بہتا نظر آیا۔

شہر کے رہائشی اپنے ہاتھوں میں جو کچھ اٹھا کر بچا سکتے تھے، اس سامان کے ساتھ بھاگتے نظر آئے۔

اطلاعات کے مطابق شہر کے مضافاتی علاقوں اور مشرق میں موجود ہوائی اڈے تک پہنچ کر بظاہر لاوا رک گیا ہے۔

آتش فشاں کے پھٹنے کے ساتھ ہی کانگو کے ہزاروں شہریوں نے ہمسایہ ملک روانڈا میں پناہ لی ہے۔ ان میں بچے اور خواتین بھی شامل ہیں۔

اس تصویر میں انھیں سرحدی قصبے جیسنیی کی سڑکوں پر اپنے سامان کے ساتھ سوتے دیکھا جا سکتا ہے۔

ماؤنٹ نیراگونگو دنیا میں خطرناک ترین آتش فشاؤں میں سے ایک ہے۔ یہاں اسے شہر گوما کے قریب جھیل کیو میں جزیرہ چیگیرا سے دیکھا جا سکتا ہے۔

تمام تصاویر کے جملہ حقوق محفوظ ہیں۔