نیویارک: کھرب پتی کی لفٹ میں پھنسی امریکی خاتون کو تین دن بعد بچا لیا گیا
،تصویر کا ذریعہGoogle Maps
نیویارک میں ایک خاتون کو تین روز تک لفٹ میں پھنسے رہنے کے بعد نکال لیا گیا ہے۔
ذرائع کے مطابق 53 سالہ میرٹیز فورٹالیزا جمعے کی شب نیویارک کے علاقے مین ہیٹن میں واقع کھرب پتی بینکر ویرن سٹیونز کے گھر کی عمارت میں لگی لفٹ میں داخل ہوئیں۔
آگ بجھانے والے عملے نے پیر کے روز ایک ایمرجنسی کال پر کارروائی کرتے ہوئے لفٹ کو کھول کر میرٹیز فورٹالیزا کو باہر نکالا۔ جس کے بعد وہ اب ہسپتال میں زیرِ علاج ہیں۔
یہ بھی پڑھیے
خاندانی ذرائع کے مطابق فورٹالیزا ویل کارنل میڈیکل سینٹر میں ہیں جہاں ان کی حالت میں قدرے بہتری آئی ہے۔
End of سب سے زیادہ پڑھی جانے والی
،تصویر کا ذریعہGetty Images
فورٹالیزا 18 برس سے سٹیونز خاندان کی اہم رکن ہیں۔ جمعے کے روز جب یہ واقعہ پیش آیا تو گھر میں سٹیونز خاندان کا کوئی فرد موجود نہیں تھا جبکہ فورٹالیزا اپنے کام کاج میں مصروف تھیں۔
فورٹالیزا سینٹرل پارک کے قریب واقع گھر کی دوسری اور تیسری منزل کے درمیان لفٹ میں پھنس گئی تھیں۔
سٹیونز امریکی ریاست آرکنسا کے شہر لٹل راکس میں ایک بینک کے سربراہ ہیں۔ ڈپارٹمنٹ آف بلڈنگز کی جانب سے لفٹ کو مزید معائنے تک بند رکھا جائے گا تاہم واقعے کی تحقیقات بھی کی جا رہی ہیں۔
