جاپان: دنیا کی بلند ترین لکڑی کی عمارت کا منصوبہ
،تصویر کا ذریعہSUMITOMO FORESTRY
ایک جاپانی کمپنی سنہ 2041 میں اپنی 350 ویں سالگرہ منانے کے لیے دنیا کی بلند ترین لکڑی کی عمارت تعمیر کرنے کا منصوبہ بنا رہی ہے۔
کمپنی سومیتومو فوریسٹری نے کہا 70 منزلہ ’ڈبلیو 350 ٹاور‘ سٹیل اور ایک لاکھ 80 ہزار مکعب میٹر دیسی لکڑی پر مشتمل ہوگا۔
یہ عمارت جاپان کے دارالحکومت ٹوکیو میں بنائی جائے گی۔
کمپنی کے مطابق اتنے سامان میں آٹھ ہزار گھروں کی تعمیر ہو سکتی ہے۔ اس عمارت کی ہر منزل کی بالکنیوں پر پیڑ، پودے اور سبزہ زار ہوں گے۔
اس نے کہا ہے کہ ’ایک مضبوط اور کسا ہوا‘ ٹیوب نما سٹیل کا ڈھانچہ قطری انداز میں ہوگا، جس کے ساتھ ارتعاش یا وائبریشن کنٹرول بریسیز عمارت کے مرکز میں لکڑی اور سٹیل کے 350 میٹر ستون سے منسلک ہوں گے تاکہ یہ عمارت ٹوکیو میں آنے والے مستقل زلزلوں سے محفوظ رہے۔
یہ بھی پڑھیے
اس عمارت کی تعمیر میں تقریباً 600 ارب ین (ساڑھے پانچ ارب امریکی ڈالر سے بھی زیادہ) یا اسی سائز کی عام بلند و بالا عمارت میں لگنے والی رقم سے دگنا رقم خرچ ہوگی۔
End of سب سے زیادہ پڑھی جانے والی
لیکن سومیتومو کمپنی کا خیال ہے کہ اس کی تعمیر میں اس تخمینے سے کم خرچ آئے گا اور اس کی بنیاد اس کے خیال میں ٹیکنالوجی میں نئی چیزوں کی دریافت ہے۔
دی گارڈین اخبار کے مطابق ابھی وینکوور کی 53 میٹر بلند عمارت دنیا کی بلند ترین لکڑی کی عمارت ہے جس میں طلبہ کے فلیٹس ہیں۔
کمپنی کے مطابق ’ڈبلیو 350 ٹاور‘ کا استعمال دفاتر، دکان، ہوٹل اور گھروں کے طور پر ہوگا۔
