 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
انڈیا کی فتح، یوراج مردِ میدان | ||||||||||||||||||||||||||||||||||||||||
انڈیا نے اندور میں کھیلےگئے دوسرے ایک روزہ میچ میں انگلینڈ کو چوّن رن سے شکست دے کر سات ایک روزہ میچوں کی سیریز میں دو صفر سے برتری حاصل کر لی ہے۔ یوراج سنگھ کی شاندار سنچری کی بدولت انڈیا نے انگلینڈ کو فتح کے لیے تین سو ترانوے رنز کا ہدف دیا تھا لیکن انگلش ٹیم دو سو اڑتیس رنز بنا کر آؤٹ ہوگئی۔ یوراج کو ان کی آل راؤنڈ کارگردگی کی بنیاد پر میچ کا بہترین کھلاڑی قرار دیا گیا۔ انہوں نے سنچری بنانے کے ساتھ ساتھ چار وکٹیں بھی حاصل کیں۔ بھارت نے ٹاس جیت کر پہلے بلے بازی کا فیصلہ کیا اور مقررہ پچاس اوورز میں نو وکٹ کے نقصان پر دو سو بانوے رنز بنائے۔ یواراج سنگھ ایک سو اٹھارہ، گوتم گمبھیر ستّر اور یوسف پٹھان پچاس رنز کے ساتھ نمایاں رہے۔ انگلینڈ کی جانب سے سٹیورٹ براڈ نے چار بھارتی کھلاڑیوں کو آؤٹ کیا۔ 293 رن کے ہدف کے تعاقب میں انگلینڈ کی پہلی وکٹ صرف چھ رن پر گر گئی تاہم میٹ پرائر اور اویس شاہ کے درمیان دوسری وکٹ کے لیے چھیانوے رنز کی شراکت ہوئی۔ اویس شاہ نے اٹھاون رنز کی دمہ دارانہ اننگز کھیلی تاہم وہ اپنی ٹیم کو فتح سے ہمکنار نہ کروا سکے۔ بھارت کے جانب سے یوراج سنگھ نے چار، وریندر سہواگ نے تین جبکہ ہربھجن سنگھ اور یوسف پٹھان نے ایک، ایک وکٹ حاصل کی۔ انگلینڈ انڈیا سیریز کا پہلا ون ڈے میچ راجکوٹ میں کھیلا گيا تھا جس میں بھارت نے انگلینڈ کو ایک سو اٹھاون رن سے شکست دی تھی۔ سیریز کا تیسرا میچ بیس نومبر کو کانپور میں کھیلا جائے گا۔ |  اسی بارے میں  انگلینڈ کی ٹیم کو بھاری شکست14 November, 2008 | کھیل تندولکر کی چالیسویں سنچری06 November, 2008 | کھیل ٹیسٹ برابر ہونے کی جانب08 November, 2008 | کھیل ناگپور ٹیسٹ اور سیریز انڈیا کے نام10 November, 2008 | کھیل کیون پیٹرسن کی تیرہویں سنچری11 July, 2008 | کھیل نئے ریکارڈز کے ساتھ بھارت374 رنز25 June, 2008 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
