عبدالرشید شکور بی بی سی اردو ڈاٹ کام، کراچی

	پنڈی کو ایک سیمی فائنل سمیت پانچ میچوں کی میزبانی کرنی تھی

اس شیڈول پر نظرثانی راولپنڈی کے ٹورنامنٹ کے میزبان شہروں سے اخراج کے بعد کی گئی ہے۔

آئی سی سی نے سکیورٹی کے ضمن میں پنڈی پر عدم اطمینان ظاہر کرنے کے بعد ٹورنامنٹ کے میچز کراچی اور لاہور میں کرانے کا فیصلہ کیا ہے۔

نئے شیڈول کے تحت نیوزی لینڈ اور جنوبی افریقہ کے میچ کی میزبانی چودہ ستمبر کو کراچی کرے گا۔ یہ میچ پہلے پنڈی میں پندرہ ستمبر کو کھیلا جانا تھا۔

پاکستان اور آسٹریلیا کی ٹیمیں اب پندرہ ستمبر کو کراچی میں مد مقابل ہونگی۔ یہ میچ پہلے پنڈی میں کھیلا جانا تھا۔

انگلینڈ اور نیوزی لینڈ کا میچ جو پہلے انیس ستمبر کو پنڈی میں کھیلا جانے والا تھا اب سترہ ستمبر کو لاہور میں ہوگا۔ اسی طرح اکیس ستمبر کو انگلینڈ اور جنوبی افریقہ کا پنڈی میں کھیلا جانے والا میچ اب اکیس ستمبر ہی کو لاہور میں کھیلا جائے گا۔

پنڈی میں پچیس ستمبر کو ہونے والا سیمی فائنل اب چھبیس ستمبر کو لاہور میں ہوگا۔

آئی سی سی چیمپئنز ٹرافی کا نیا پروگرام اس طرح ہے۔
بارہ ستمبر۔ پاکستان بمقابلہ ویسٹ انڈیز۔ لاہور
تیرہ ستمبر۔ آسٹریلیا بمقابلہ بھارت۔ کراچی
چودہ ستمبر۔ انگلینڈ بمقابلہ سری لنکا۔ لاہور
چودہ ستمبر۔ نیوزی لینڈ بمقابلہ جنوبی افریقہ۔ کراچی
پندرہ ستمبر۔ پاکستان بمقابلہ آسٹریلیا۔ کراچی
سولہ ستمبر۔ سری لنکا بمقابلہ جنوبی افریقہ۔ لاہور
سترہ ستمبر۔ انگلینڈ بمقابلہ نیوزی لینڈ۔ لاہور
اٹھارہ ستمبر۔ بھارت بمقابلہ ویسٹ انڈیز۔ کراچی
انیس ستمبر۔ نیوزی لینڈ بمقابلہ سری لنکا۔ لاہور
بیس ستمبر۔ پاکستان بمقابلہ بھارت۔ کراچی
اکیس ستمبر۔ آسٹریلیا بمقابلہ ویسٹ انڈیز۔ لاہور
اکیس ستمبر۔ انگلینڈ بمقابلہ جنوبی افریقہ۔ کراچی
چوبیس ستمبر۔ پہلا سیمی فائنل۔ کراچی
چھبیس ستمبر۔ دوسرا سیمی فائنل۔ لاہور
اٹھائیس ستمبر۔ فائنل۔ لاہور