 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
تندولکر، لارا کو بھی آؤٹ کیا: شعیب | ||||||||||||||||||||||||||||||||||||||||
پاکستان کرکٹ ٹیم کے کپتان شعیب ملک نے اپنے بارے میں اس تاثر کو بالکل غلط قرار دیا ہے کہ وہ کمزور ٹیموں کے خلاف تو بالنگ کرتے ہیں لیکن بڑی ٹیموں کے کھلاڑیوں کو بالنگ نہیں کرتے۔ شعیب ملک نے جمعرات کو لاہور میں صحافیوں سے بات کرتے ہوئے کہا کہ اگر انہوں نے بڑی ٹیموں کے خلاف بالنگ نہ کی ہوتی تو سچن تندولکر، برائن لارا اور جیک کیلس ان کے آؤٹ کیے ہوئے کھلاڑیوں میں شامل نہیں ہوتے۔ شعیب ملک نے زور دے کر کہا کہ انہوں نے 125 کھلاڑیوں کو آؤٹ کیا ہے اور بنگلہ دیش اور زمبابوے سے تو اب میچز ہوئے ہیں اور جہاں تک اپنی کپتانی میں بالنگ کروانے کا سوال ہے تو ہر کپتان کا ایک گیم پلان ہوتا ہے جس کے حساب سے وہ اپنے بالرز کو استعمال کرتا ہے۔ شعیب ملک نے بھی اس خیال کی تائید کی کہ ٹوئنٹی ٹوئنٹی کرکٹ کو اولمپکس میں شامل کرنا چاہیے۔ پاکستان کرکٹ بورڈ نے آئی سی سی چمپیئنز ٹرافی کے لیے ٹیم منتخب کرنے کے لیے ہونے والے ٹرائل میچز کوبارشوں کے سبب لاہور سے ملتان منتقل کر دیا ہے۔ شعیب ملک کا کہنا تھا کہ موسم کے سبب صرف ملتان ہی ایسی جگہ تھی جہاں یہ میچ کروائے جا سکتے تھے۔ شعیب ملک نے کہا کہ آئی سی سی کی پندرہ رکنی ٹیم کے انتخاب کے لیے دی گئی حتمی تاریخ بارہ اگست سے پہلے ٹرائل میچز ہونا ضروری تھے تاکہ سلیکشن کمیٹی کھلاڑیوں کی فٹنس جانچ سکے۔ شعیب ملک کا کہنا تھا کہ فِٹنس کا جائزہ لینے کے لیے دو میچ کافی ہیں کیونکہ اس حبس اور گرمی کے موسم میں اگر کوئی بالر پورے دس اوور کرتا ہے تو اس کا مطلب ہے کہ وہ فٹ ہے۔ انہوں نے کہا کہ جو کھلاڑی فٹ ہونے کے عمل میں ہیں ان کے لیے یہ میچز کافی اہم ہیں لیکن ایسا نہیں کہ صرف شعیب اختر اور عمر گل کے لیے ہی یہ میچز رکھے گئے ہیں، ان ٹرائل میچز میں خود ان کے سمیت تمام کھلاڑیوں کی کارکردگی کا جائزہ لیا جائے گا۔ شعیب ملک کے بقول ٹیم کے کھلاڑی پیشہ ور ہیں اور ان کی تیاری میں ان خبروں سے کوئی فرق نہیں پڑتا کہ چمپئنز ٹرافی پاکستان میں ہوگی یا نہیں۔ |  اسی بارے میں  ان فٹ ہوا تو بتاؤں گا:شعیب15 January, 2008 | کھیل بنگلہ دیش، زمبابوے ایک جیسے:شعیب19 April, 2008 | کھیل شعیب بھارت کے خلاف میچ سے باہر02 July, 2008 | کھیل شعیب تیس کھلاڑیوں میں 10 July, 2008 | کھیل شعیب اختر کا ڈوپ ٹیسٹ کلیئر 30 July, 2008 | کھیل ٹیم کی کارکردگی مایوس کن: شعیب14 December, 2007 | کھیل ’شادی کا وعدہ کیا تھا نکاح نہیں‘05 February, 2008 | کھیل شعیب آخری ٹیسٹ سے بھی باہر06 December, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
