بنگلہ دیش سیریز کا شیڈول جاری | |||||||||||||||||||||||||||||||||||||||||
پاکستان کرکٹ بورڈ نے آئندہ ماہ بنگلہ دیش کےخلاف ون ڈے سیریز کے شیڈول کا اعلان کردیا ہے۔سیریز پانچ ون ڈے میچوں پر مشتمل ہے اس کے علاوہ ایک ٹوئنٹی ٹوئنٹی انٹرنیشنل بھی کھیلا جائے گا۔ پاکستان کرکٹ بورڈ آسٹریلوی کرکٹ ٹیم کے انکار کے بعد بنگلہ دیشی کرکٹ ٹیم کو اس بات پر آمادہ کرنے میں کامیاب ہوگیا ہے کہ وہ پاکستان آ کر ون ڈے سیریز کھیل لے۔ بنگلہ دیشی کرکٹ ٹیم اس وقت آئی سی سی ون ڈے رینکنگ میں نویں نمبر پر ہے۔ بنگلہ دیشی کرکٹ ٹیم چھ اپریل کو پاکستان پہنچے گی۔ پہلا ون ڈے انٹرنیشنل آٹھ اپریل کو لاہور میں ہوگا ، دوسرا گیارہ اپریل کو فیصل آباد میں، تیسرا تیرہ اپریل کو لاہورمیں، چوتھا سولہ اپریل کو ملتان اور سیریز کا پانچواں اور آخری ون ڈے انٹرنیشنل انیس اپریل کو کراچی میں کھیلا جائے گا۔ کراچی بیس اپریل کو ٹوئنٹی ٹوئنٹی انٹرنیشنل میچ کی میزبانی بھی کرے گا۔ سری لنکن کرکٹ بورڈ کے چیف ایگزیکٹیو دلیپ مینڈس نے کولمبو میں اے ایف پی کو دیئے گئے انٹرویو میں کہا ہے کہ سری لنکا پاکستان کے ساتھ ون ڈے سیریز کھیلنے کے لیے تیار ہے لیکن یہ سیریز آئی پی ایل کی تاریخوں سے متصادم نہیں ہونی چاہئے۔ واضح رہے کہ انڈین پریمیئر لیگ ( آئی پی ایل ) اٹھارہ اپریل سے یکم جون تک کھیلی جائے گی جس میں سری لنکا کے بھی کئی کھلاڑی آئی پی ایل سے معاہدہ کیے ہوئے ہیں اور دلیپ مینڈس کا کہنا ہے کہ ان کھلاڑیوں کو بھارت جانے کی اجازت پہلے ہی دی جا چکی ہے۔ | اسی بارے میں آسٹریلیا کی جگہ اب بنگلہ دیش11 March, 2008 | کھیل بنگلہ دیش کے خلاف جیت20 September, 2007 | کھیل نیروبی:پاکستان کی بنگلہ دیش پر فتح02 September, 2007 | کھیل بنگلہ دیش:دو سو بائیس پر آٹھ آؤٹ18 September, 2003 | کھیل بنگلہ دیش کی شکست09 September, 2003 | کھیل پاکستان چوتھا میچ بھی جیت گیا18 September, 2003 | کھیل بنگلہ دیش:ستتر پرچارآؤٹ04 September, 2003 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||