یہ صفحہ دوست کو ای میل کیجیئے		پرِنٹ کریں

صراجن صالح نے شاندار کارکدگی کا مظاہرہ کیا۔

پاکستان اور بنگلہ دیش کے درمیان راولپنڈی میں کھیلے جانے والے چوتھے ایک روزہ کرکٹ میچ میں پاکستان نے 226 رنز بنا کر پانچ وکٹوں سے بنگلہ دیش کو شکست دے دی ہے۔

میچ میں آخر تک ہار جیت کا فیصلہ واضح نہیں تھا یہی وجہ تھی کہ میچ کرکٹ کے شائقین کے لئے آخر تک دلچسپی کا باعث رہا۔

آخری اوور میں پاکستان کو میچ جیتنے کے لئے سات رن درکار تھے جبکہ بیٹنگ پارٹنر شپ یوسف یوحنا اور عبدالرزاق کے ہاتھ میں تھی۔

آخری بال پر یوسف یوحنا نے چوکا لگایا جس سے پاکستان کا اسکور 226 ہوگیا اور اس طرح پاکستان یہ میچ جیت گیا۔

پاکستان کی طرف سے بہترین بیٹنگ یوسف یوحنا کی ہی رہی جنہوں نے 131 بالز پر 94 رن بنائے۔

میچ میں ٹاس جیت کر بنگلہ دیش نے پہلے کھیلتے ہوئے آٹھ وکٹ کے نقصان پر پچاس اوور میں دو سو بائیس رن بنائے۔

بنگلہ دیش کی جانب سے سب سے بہتر کارکردگی کا مظاہرہ راجن صالح نے کیا جنہوں نے ایک سو اکتیس منٹ میں بانوے گیندوں پر سینتالیس رن بنائے۔ تاہم وہ محمد حفیظ کی گیند پر ایل بی ڈبلیو ہوگئے۔

بنگلہ دیش کے دیگر کھلاڑیوں میں حنان سرکار پچیس رن بنا کر عبدالرزاق کی ہاتھوں ایل بی ڈبلیو ہوئے، خالد مسعود کوئی رن بنائے بغیر محمد سمیع کے ہاتھوں ایل بی ڈبلیو ہوئے، حبیب البشر کو سینتیس رن کے اسکور پر محمد سمیع نے رن آؤٹ کیا، آلوک کپالی بارہ رن بنا کر عبدالرزاق کی گیند پر آؤٹ ہوئے۔ تشر عمران تینتیس رن بنا کر عمر گل کے ہاتھوں ایل بی ڈبلیو ہوئے، خالد محمود کو اٹھارہ رن کے اسکور پر عمر گل نے بولڈ کیا جبکہ محمد رفیق اور مشراف مرتضیٰ دو اور چھ رن بنا کر ناٹ آؤٹ رہے۔

پاکستان کی جانب سے سب سے زیادہ شاندار کارکردگی کا مظاہرہ عمر گل نے کیا جنہوں نے نو اوور میں ایک میڈن اوور کیا جبکہ محض انتیس رن دے کر دو وکٹ حاصل کیں۔

دیگر پاکستانی کھلاڑیوں میں محمد سمیع نے دس اوور میں اکتالیس رن دے کر دو وکٹ حاصل کیں، عبدالرزاق نے نو اوور میں تینتالیس رن دے کر دو وکٹس حاصل کیں اور محمد حفیظ نے چھ اوور میں بائیس رن دے کر ایک وکٹ حاصل کی۔ شیعب ملک دس اوور میں بتیس رن دے کر اور جنید ضیاء چھ اوور میں چھیالیس رن دے کر کوئی وکٹ حاصل نہ کرسکے۔