انضمام الحق کے تیز بیٹنگ بھی حیدرآباد ہیروز کو کامیابی نہ دلا سکی

انضمام اور شبیر مین آف دی میچ

گزشتہ دو دنوں میں یہ تیسرے پاکستانی کھلاڑی ہیں جو چھ ٹیموں پر مشتمل آئی سی ایل کے اس ٹورنامنٹ میں مین آف دی میچ قرار پائے۔ ان سے پہلے انضمام الحق اور شبیر یہ اعزاز حاصل کر چکے ہیں۔

توفیق عمر نے یہ سکور دہلی جیٹس کی طرف سے کھیلتے ہوئے حیدرآباد ہیروز کے خلاف بنایا۔ حیدرآباد ہیروز کے کپتان انضمام الحق ہیں اور اس میں پاکستان کے عبدالرزاق اور اظہر محمود بھی شامل ہیں۔

توفیق عمر کے 52 رنز ابھی تک اس ٹورنامنٹ کا سب سے زیادہ انفرادی سکور ہے۔

حیدرآباد ہیروز نے پہلے بیٹنگ کرتے ہوئے مقررہ 20 اوورز میں پانچ وکٹوں کے نقصان پر 141 رنز بنائے جس میں جنوبی افریقہ کے نکی بویے کے 45، انضمام الحق کے 34 اور عبدالرزاق کے 29 ناٹ آؤٹ شامل ہیں۔

تاہم دہلی جیٹس نے توفیق عمر کے 52 اور عباس علی کے 44 رنز کی بدولت میچ کے 18 ویں اوور میں ہی ٹارگٹ حاصل کر لیا۔

دہلی جیٹس کے کپتان سری لنکاکے مارون اٹاپٹو ہیں جو اس میچ میں نہیں کھیل سکے اور ان کی جگہ ٹیم کی قیادت جے پی یادو نے کی۔

کولکتہ ٹائیگرز نے چندی گڑھ لائنز کو 41 کو ہرا دیا

اس کے علاوہ ایک دوسرے میچ میں کولکتہ ٹائیگرز نے چندی گڑھ لائنز کو 41 رنز سے شکت دے کر میچ جیت لیا۔

کولکتہ ٹائیگرز کے کپتان نیوزی لینڈ کے کریگ میکملن ہیں جبکہ چندی گڑھ لائنز کی قیادت نیوزی لینڈ ہی کے کرس کیئرنز کر رہے ہیں۔

کولکتہ ٹائیگرز نے پہلے کھیلتے ہوئے 20 اوورز میں 124 رنز بنائے جس میں کریگ مکمیلن کے 20 اور لانس کروزنر کے 12 رنز شامل تھے۔ چندی گڑھ لائنز کی طرف سے سب سے زیادہ سکور (23) پاکستان کے عمران فرحت نے کیا لیکن وہ بھی میچ نا بچا سکے اور پوری ٹیم 81 کے سکور پر آؤٹ ہو گئی۔