دھونی نے انڈیا کی طرف سے سب سے زیادہ تریسٹھ رن بنائے تھے

انڈیا کی بیٹنگ کی خاص بات مہیندر سنگھ دھونی اور یوراج سنگھ کی نصف سنچریاں تھیں۔ دونوں نے شراکت میں ایک سو پانچ رن بنائے جس میں دھونی کے تریسٹھ رن تھے جو انہوں نے آٹھ چوکوں کی مدد سے بنائے جب کہ یوراج اٹطاون رن چھ چوکوں کی مدد سے بنائے۔

پاکستان کے دو سو چالس رن کے ہدف کا حاصل کرنے کے لیے انڈیا کی طرف سے اوپننگ گنگولی اور تندولکر نے کی۔

انڈیا کی پہلی وکٹ صرف چودہ کے سکور پر گری جب تندولکر صرف چار رن کے بعد شعیب کی گیند پر ایل بی ڈبلیو ہو گئے۔ دوسری وکٹ گنگولی کی تھی جوانتالیس رن کے سکور پر اس وقت آؤٹ ہو گئے جب انڈیا کا سکور چھیانوے رن پر پہنچا تھا۔

اس کے بعد گمبھیر ایک سو تیرہ کے سکور پر چوالیس رن بنا کر یوراج دو سو اٹھارہ کے سکور پر اٹھاون رن بنا کر، دھونی دو سو پچیس پر تریسٹھ رن بنا کر آؤٹ ہوئے۔

جب کے اتھاپا گیارہ رن کے ساتھ اور پٹھان پانچ رن کے ساتھ ناٹ آؤٹ رہے۔ اس طرح انڈیا نے مطلوبہ سکور پانچ وکٹوں کے نقصان پر بنا لیا۔

اس سے پہلے پاکستان نے ٹاس جیتا اور انڈیا کے خلاف پہلے بیٹنگ کرتے ہوئے مقررہ پچاس اوور میں سات وکٹوں کے نقصان پر 239 رن بنائے ہیں۔

پاکستان کی طرف سے سب سے زیادہ سکور محمد یوسف نے کیا جنہوں نے اٹھاسی گیندوں پر تراسی رن بنائے۔ پاکستان کی جانب سے کامران اکمل اور سلمان بٹ نے بیٹِنگ کی شروعات کیں۔ کامران بٹ نے پچاس رن بنائے۔

میچ کا تازہ ترین اسکور

آج کے میچ کے لیے انڈین ٹیم میں وریندر سہواگ کو شامل نہیں کیا گیا ہے۔

پاکستان کی ٹیم:
کامرن اکمل، سلمان بٹ، یونس خان، محمد یوسف، مصباح الحق، شعیب ملک (کپتان)، شاہد آفریدی، عمر گل، راؤ افتخار انجم، عبدالرحمان اور شعیب اختر۔

انڈین ٹیم:
سچن تندولکر، سوروو گانگولی، گوتم گمبھیر، یووراج سنگھ، مہیندر سنگھ دھونی (کپتان)، روبن اتھپا، عرفان پٹھان، مرلی کارتک، ہربھجن سنگھ، ظہیر خان اور آر پی سنگھ۔