 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
کراچی ون ڈے ، فیصلہ کل ہوگا | ||||||||||||||||||||||||||||||||||||||||
جنوبی افریقی کرکٹ ٹیم نے اپنے ایک سکیورٹی افسر کو فوری طور پر سکیورٹی کا جائزہ لینے کراچی بھیجنے کا فیصلہ کیا ہے۔ اس جائزے کی روشنی میں بدھ کو اس بات کا فیصلہ کیا جائے گا کہ29 اکتوبر کو کراچی میں ہونے والا پانچواں اور آخری ون ڈے انٹرنیشنل میچ طے شدہ پروگرام کے مطابق ہو یا اسے کسی دوسرے شہر منتقل کردیا جائے۔ پاکستان کرکٹ بورڈ کے ترجمان کے مطابق منگل کو پاکستان کرکٹ بورڈ اور جنوبی افریقی ٹیم منیجمنٹ کے درمیان اجلاس میں یہ فیصلہ کیا گیا کہ کراچی میں سکیورٹی کی تازہ ترین صورتحال کا جائزہ لینے کے لئے جنوبی افریقی ٹیم کے ساتھ آئے ہوئے سکیورٹی افسر کو وہاں بھیجا جائے۔ جنوبی افریقی ٹیم کے ساتھ تین سکیورٹی افسران آئے ہوئے ہیں۔ واضح رہے کہ 18 اکتوبر کو سابق وزیراعظم بے نظیر بھٹو کے جلوس میں ہونے والے بم دھماکوں کے بعد جنوبی افریقی کرکٹ ٹیم نے دورۂ پاکستان جاری رکھنے کا فیصلہ کیا تھا تاہم اس نے سکیورٹی کے بارے میں تحفظات بھی ظاہرکیے تھے۔ کراچی کے واقعے کے بعد جنوبی افریقی ٹیم کی سکیورٹی میں غیرمعمولی اضافہ کر دیا گیا ہے تاہم مہمان ٹیم کراچی میں ون ڈے کھیلنے کے لئے تیار نہیں ہے۔ |  اسی بارے میں  جنوبی افریقہ کے سکیورٹی خدشات19 October, 2007 | کھیل دورہ جاری رہے گا: جنوبی افریقہ20 October, 2007 | کھیل پاکستان، جنوبی افریقہ سیریز برابر 20 October, 2007 | کھیل محمد آصف تیسرے میچ سے بھی باہر22 October, 2007 | کھیل پاکستان دوسرا ون ڈے جیت گیا20 October, 2007 | کھیل لاہور میں پاکستان کی شکست18 October, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
