 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
مہراللہ اور فیصل کریم پابندی برقرار | ||||||||||||||||||||||||||||||||||||||||
پاکستان باکسنگ فیڈریشن کا کہنا ہے کہ ممنوعہ ادویات کے استعمال کے مرتکب باکسرز مہراللہ اور فیصل کریم پر عائد تاحیات پابندی ختم نہیں کی گئی ہے اور جب ان پر انٹرنیشنل باکسنگ ایسوسی ایشن (آئبا) کی جانب سے عائد دو سالہ پابندی ختم ہوگی تب بھی وہ فوری طور پر بین الاقوامی مقابلوں میں حصہ نہیں لے سکیں گے۔ پاکستان باکسنگ فیڈریشن کے سیکرٹری شکیل درانی نے بی بی سی سے بات کرتے ہوئے کہا کہ فیڈریشن کے اجلاس میں دونوں باکسرز پر عائد تاحیات پابندی ختم کرنے کا کوئی فیصلہ نہیں ہوا جیسا کہ بعض اخبارات نے کہا ہے کہ یہ تاحیات پابندی ختم کردی گئی ہے۔ شکیل درانی نے وضاحت کرتے ہوئے کہا کہ گزشتہ سال کولمبو میں منعقدہ ساؤتھ ایشین گیمز کے دوران ممنوعہ ادویات کے استعمال کی پاداش میں فیصل کریم اور مہراللہ پر عائد دو سالہ پابندی اگست 2008 میں ختم ہوگی جس کے بعد وہ پاکستان میں ہونے والے قومی سطح کے مقابلوں میں حصہ لینے کے اہل ہونگے۔ پاکستان باکسنگ فیڈریشن نے ان دونوں باکسرز پر تاحیات مشروط پابندی عائد کی تھی اور کہا تھا کہ دوسالہ پابندی کے خاتمے پر دونوں کے طرز عمل کا بغور جائزہ لیا جائے گا خصوصاً ڈوپنگ کے معاملے پر ان کی حرکات وسکنات کو باریکی سے دیکھا جائے گا اور اگر فیڈریشن مطمئن ہوئی تو تاحیات پابندی اٹھالی جائے گی۔ شکیل درانی نے کہا کہ دوسال کے دوران پاکستان کے سات ڈوپنگ کیس پکڑے گئے ہیں۔ بین الاقوامی قانون یہ ہے کہ اگر ایک سال میں، کسی ایک ملک کے کھلاڑی کسی دو ایونٹس میں ڈوپنگ کے مرتکب پائے جائیں تو اس کھیل کی قومی فیڈریشن پر پابندی لگ سکتی ہے لہذا فیڈریشن کسی صورت رسک نہیں لے سکتی اور اسی لیے مہراللہ اور فیصل کریم کے طرز عمل کو دیکھ کر ہی ان کے مستقبل کے بارے میں فیصلہ کیاجائے گا۔
واضح رہے کہ کولمبو کے ساؤتھ ایشین گیمز میں مہراللہ اور فیصل کریم نے طلائی تمغے حاصل کیے تھے لیکن قوت بخش ادویات استعمال کرنے پر پہلے ان پر صرف چھ ماہ کی پابندی عائد کی گئی تھی لیکن باکسنگ کی بین الاقوامی تنظیم آئبا نے اس سزا کو واڈا کے قوانین کے مطابق ناکافی قرار دیتے ہوئے اسے دو سال کردیا تھا۔ دوسری جانب پاکستان باکسنگ فیڈریشن نے اپنے طور پر سخت سزا کے طور پر مہراللہ اور فیصل کریم کو زندگی بھر باکسنگ سے دور کرنے کا فیصلہ کیا تھا جس کا مقصد فیڈریشن کے مطابق دوسرے باکسرز کے لیے مثال قائم کرنا تھا۔ |  اسی بارے میں  مہراللہ، فیصل کریم پر تاحیات پابندی26 November, 2006 | کھیل آئی سی سی کی پاکستان پر تنقید07 December, 2006 | کھیل شعیب، آصف پر پابندی ختم 05 December, 2006 | کھیل قومی مفاد کا خیال کریں: توقیر ضیاء03 November, 2006 | کھیل ڈوپنگ کی سزا پر انضمام کو افسوس02 November, 2006 | کھیل کرکٹرز میں چرس عام ہے: رضوی 21 October, 2006 | کھیل ڈوپنگ: نیندرولون ہے کیا؟17 October, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
مہراللہ اور فیصل کریم پر قوت بخش ادویات استعمال کرنے کی وجہ سے پہلے چھ ماہ کی پابندی لگی جسے بعد میں باکسنگ کی بین الاقوامی تنظیم آئبا نے دو سال کردیا تھا
