نیوزی لینڈ کے ونسینٹ نے ایک عمدہ اننگز کا مظاہرہ کیا ہے

کینیڈا نے اپنی اننگز کا آغاز تو بڑے جارحانہ انداز سے کیا لیکن اوپنر ڈیویسن کے آؤٹ ہونے کے بعد رنز بنانے کی رفتار سست پڑ گئی اور کینیڈا کے کھلاڑی ایک کے بعد ایک آؤٹ ہوتے چلے گئے۔

ورلڈ کپ: تازہ ترین سکور

نیوزی لینڈ بمقابلہ کینیڈا: سکور کارڈ

نیوزی لینڈ بمقابلہ کینیڈا: تصویروں میں

نیوزی لینڈ کے میکیلم نے 20 گیندوں پر 50 رنز بنا کر عالمی کپ کی تیز ترین نصف سینچری کا ریکارڈ بنایا اور دوسری طرف کینیڈا کے اوپنر ڈیویسن نے بھی تیز کھیلتے ہوئے 23 گیندوں پر اپنی نصف سینچری بنا ڈالی۔ یہ ورلڈ کپ کی تیسری تیز ترین نصف سینچری ہے۔ وہ 53 رنز بنا کر میسن کے ہاتھوں آؤٹ ہوئے۔

کینیڈا نے پہلے پانچ اوورز میں 50 رنز بنائے لیکن 100 رنز 16 اوورز میں مکمل کیے۔

	میکیلم نے بیس گیندوں پر ورلڈ کپ کی تیز ترین نصف سنچری بنائی

کینیڈا کے کھلاڑی بل کلف 54 گیندوں پر 50 رنز بنا کر سٹائرس کی گیند پر آؤٹ ہو گئے۔ پانچویں آؤٹ ہونے والے کھلاڑی آشف ملا تھے جو کوئی رن بنائے بغیر آؤٹ ہوئے۔ چھٹی وکٹ عبدالصمد کی تھی جو نو رنز بنانے کے بعد رن آؤٹ ہوئے۔

سنیل دھنی رام 17 رنز بنانے کے بعد اورم کی ایک گیند ہاتھ پر لگنے سے زخمی ہو گئے اور میدان سے باہر چلے گئے۔ ان کی جگہ کمنز آئے جو نو رنز بنانے کے ساتھ ناٹ آؤٹ رہے۔ عمر بھٹی، ساندھر اور اوسینڈے کو پٹیل نے بولڈ کیا۔

نیوزی لینڈ کے بڑے سکور میں اوپنر ونسینٹ کا بہت کردار ہے جنہوں نے شاندار سنچری بنائی۔ وہ ڈیویسن کی گیند پر انہیں کے ہاتھوں کیچ آؤٹ ہوئے۔ ان کے 101 رنز میں نو چوکے اور ایک چھکا شامل ہے۔

نیوزی لینڈ کے اوپنگ بیٹسمین فلیمنگ 66 رنز بنا کر ساندھر کی گیند پر بل کلف کے ہاتھوں کیچ آؤٹ ہوئے۔ انہوں نے یہ سکور 67 گیندوں پر آٹھ چوکوں اور ایک چھکے کی مدد سے بنایا۔

جب دوسرے بیٹسمین فولٹن آؤٹ ہوئے تو اس وقت سکور 222 تھا۔ وہ بھی ساندھر کی گیند پر 47 رنز بنانے کے بعد ایل بی ڈبلیو آؤٹ ہوئے۔ سٹائرس 28 اور مکمیلن 10 رنز بنا کر آؤٹ ہوئے۔

جیکب اورم 35 اور میکیلم 52 رنز بنانے کے بعد ناٹ آؤٹ رہے۔

کینیڈا نے ٹاس جیت کر نیوزی لینڈ کو پہلے کھیلنے کی دعوت دی۔

منگل کو سینٹ لوشیا میں نیوزی لینڈ نے کینیا کو 148 رنز سے شکست دی تھی۔ اس میچ میں کامیابی سے نیوزی لینڈ سپر ایٹ میں جگہ بنانے میں کامیاب ہو گیا تھا۔ اس سے قبل نیوزی لینڈ اپنے ایک اور میچ میں انگلینڈ کو بھی ہرا چکا ہے۔

کینیڈا کی ٹیم:
جون ڈیویسن (کپتان)، اے باگئی، جی بارنٹ، عمر بھٹی، آئی بلکلف، ڈی چمنی، قیصر علی، اے کوڈرنگٹن، جی کوڈرنگٹن، اے کمنز، ایس دھنی رام، آشف ملا، ہینری اوسینڈے، عبدالصمد اور کیون ساندھر۔

نیوزی لینڈ کی ٹیم:
لو وینسٹ، سٹیفن فلیمنگ (کپتان)، روز ٹیلر، سکاٹ سٹائرس، کریگ میکمیلن، جیکب اورم، برینڈن میکولم (وکٹ کیپر)، ڈینئل ویٹوری، جیمز فرینکلن، شین بانڈ، جیتن پٹیل، مائیکل میسن، پیٹر فولٹن، ڈریل ٹوفی۔