سٹائرس نے نو چوکوں کی مدد سے 87 رنز بنائے

انگلینڈ بمقابلہ نیوزی لینڈ: سکور کارڈ

ورلڈ کپ: تازہ ترین سکور

نیوزی لینڈ کی جیت کا سہرا جیکب اورم اور سٹائرس کے سر رہا ہے جنہوں نے نہ صرف عمدہ بولنگ کی بلکہ اس وقت بیٹنگ کی ذمہ داری سنبھالی جب نیوزی لینڈ کی ٹیم مشکلات کا شکار تھی۔ سٹائرس 87 رنز بنا کر اور اورم 63 رنز بنا کر ناٹ آؤٹ رہے۔

نیوزی لینڈ کی اننگز کے آغاز کے پہلے دو اوورز میں دو کھلاڑی آؤٹ ہو چکے تھے اور سولہویں اوور کے اختتام تک اس کے چار بیٹسمین پولیین میں واپس جا چکے تھے۔

آؤٹ ہونے والوں میں ونسنٹ نے صفر، ٹیلر نے صفر، فلیمنگ نے سات، اور میکمیلن نے 27 رنز بنائے۔

انگلینڈ کی طرف سے اینڈرسن نے دو اور پلنکٹ اور پنیسر نے ایک ایک کھلاڑی آؤٹ کیا۔

انگلینڈ کی اننگز کا آغاز بھی کچھ اس طرح ہی تھا اس کے کھلاڑی بھی ایک کے بعد ایک آؤٹ ہوتے رہے۔

سب سے زیادہ سکور کیون پیٹرسن نے بنایا جنہوں نے نہایت دباؤ میں شاندار کھیل کا مظاہرہ کرتے ہوئے 60 رنز بنائے۔ لیکن جیسے ہی ان کے ساتھی کولنگوڈ آؤٹ ہوئے وہ بھی اس کے فوراً بعد ایک اونچا شاٹ کھیلتے ہوئے آؤٹ ہو گئے۔

انگلینڈ کا ٹاپ آرڈر اس مرتبہ ناکام رہا اور جوئس، بیل اور وان جلد آؤٹ ہو گئے۔ لیکن انگلینڈ کے ٹیل اینڈرز نکسن اور پلنکٹ نے نہایت عمدہ کھیل پیش کیا اور سکور کو 138 رنز سات کھلاڑی آؤٹ سے 209 تک بغیر کوئی وکٹ گنوائے لے گئے۔ ان کی پارٹنرشپ 71 رنز کی تھی۔

	انگلینڈ کی طرف سے کیون پیٹرسن نے سب سے عمدہ اننگز کھیلی

کولنگوڈ 31 رنز بنا سٹائرس کی گیند پر وکٹ کیپر میکلم کے ہاتھوں کیچ آؤٹ ہو گئے تھے۔

ابھی انگلینڈ نے ایک ہی رن بنایا تھا کہ اس کے اوپنر ایڈ جوئس آؤٹ ہو گئے۔ تیس کے سکور پر آئن بیل آؤٹ ہوئے۔ تیسرے آؤٹ ہونے والے کھلاڑی کپتان مائکل وان تھے جنہیں فرینکلن نے بولڈ کیا۔ انہوں نے 26 رنز بنائے تھے۔

سینٹ لوسیا میں کھیلے جا رہے گروپ سی کے اس میچ میں نیوزی لینڈ نے ٹاس جیت کر انگلینڈ کو پہلے کھیلنے کی دعوت دی تھی۔

انگلینڈ کی ٹیم:
ایڈ جوئس، مائیکل وان (کپتان)، ایئن بیل، پیٹرسن، پی ڈی کالنگوڈ، اینڈریو فلنٹاف، ڈالریمپل، نکسن، پنکٹ، اینڈرسن، پانیسر،

نیوزی لینڈ کی ٹیم: فلیمنگ، ونسنٹ، ٹیلر، سٹرائرس، پٹیل، اورم، میکملن، میکلم، وٹوری، فرینکلن، شین بونڈ

امپائرز: بی آر ڈاکٹروو، آر ای کورٹزن