عمران نذیر آؤٹ ہونے کے بعد پویلین جاتے ہوئے

پاکستان نے ٹرینیڈاڈ میں پہلے کھیلتے ہوئے اڑتالیس اووروں میں دو سو چوہتر رنز بنائے اور اس کے آٹھ کھلاڑی آؤٹ ہوئے۔

پاکستان کی طرف سے کپتان انضمام الحق، محمد حفیظ اور کامران اکمل نے نصف سنچریاں بنائیں۔

کینیڈا جیسی ٹیم کے خلاف بھی کھیلتے ہوئے پاکستان کے بلے باز ابتدا میں مشکلات کا شکار ہو گئے۔ پاکستان کی پہلی ووکٹ صرف بائیس کے سکور پر گری جب یونس خان صرف گیارہ رنز بنا کر آؤٹ ہو گئے۔ اس کے بعد ساٹھ کے مجموعی سکور پر پاکستان کے دوسرے اوپنر عمران نذیر آؤٹ ہو گئے۔ اس کے بعد اگلی پاکستان کو فوراً ہیں مزید دو ووکٹوں کا نقصان اٹھانا پڑا جب محمد یوسف چونسٹھ اور شعیب ملک چھیاسٹھ کے مجموعی سکور پر آؤٹ ہو کر پویلین میں لوٹ گئے۔

اس موقع پر کپتان انضمام الحق نے ذمہ داری سے کھیلتے ہوئے محمد حفیظ کے ساتھ مل کر سکور کو ایک سو انسٹھ تک پہنچا دیا۔ اس فوراً ایک سو ساٹھ کے مجموعی سکور پر شاہد آفریدی کوئی رن بنائے بغیر بولڈ ہو گئے۔

اس مرحلے پر محمد حفیظ اور کامران اکمل نے اچھے کھیل کا مظاہرہ کرتے ہوئے سکور کو آگے بڑھانا شروع کیا۔ کامران اکمل نے چھپن رن بنائے اور آؤٹ نہیں ہوئے۔ اظہر محمود صرف تیئس رنز بنا سکے۔

کینیڈا کی ٹیم پاکستان کے دو سو چوہتر رنز کا پیچھا کرتے ہوئے صرف ایک سو چھیانوے رنز بنا کر آؤٹ ہو گئی۔

پاکستان کی طرف سے سب سے کامیاب بولر محمد حفیظ رہے انہوں نے صرف تین اعشاریہ تین اوور میں تین ووکٹیں حاصل کئیں۔ راؤ افتخار انجم نے بھی تین کھلاڑیوں کو آؤٹ کیا۔ اظہر محمود نے چھ اوور میں چوبیس رنز دے کر دو کھلاڑیوں کو آؤٹ کیا۔

بھارت کی ٹیم نے تندولکر اور ڈراوڈ کی نصف سنچریوں کی بدولت اپنے مقررہ پچاس اوور میں تین سو رنز بنائے۔ ڈراوڈ نے چوہتر اور تندولکر نےاکسٹھ رنز بنائے۔

بھارت کے تین سو رنز کے جواب میں ہالینڈ کی ٹیم صرف ایک سو اٹھارہ رنز بنا کر آؤٹ ہو گئی۔ بھارت کی طرف سے یوران نے چار ووکٹیں حاصل کئیں۔