مناء رانا بی بی سی اردو ڈاٹ کام لاہور

	شعیب کے مطابق ان کی ہڈیاں کمزور ہیں

بی بی سی بات کرتے ہوئے شعیب اختر نے کہاان کی ہڈیاں کچھ کمزور ہیں جس کے سبب وہ فٹنس کے مسائل کا شکار رہتے ہیں۔

شعیب نے کہا کہ وہ ڈاکٹر ڈیوڈ ینگ سے بھی مشورہ کر رہے ہیں کہ وہ بالنگ کر سکتے ہیں یا نہیں۔

شعیب اختر نے دو روز قبل نیشنل کرکٹ اکیڈمی میں بالنگ کا آغاز کیا ہے اور ان کے مطابق وہ نہ تو ابھی سو فیصد فٹ ہیں اور نہ ہی مکمل ردھم سے بالنگ کروانے کے قابل ہوئے ہیں۔

شعیب اختر نے کہا کہ ان کا خواب ہے کہ وہ عالمی کپ میں پاکستان کی نمائندگی کریں اور پاکستان فائنل میں کھیلے اور وہ اس میں یادگار کارکردگی کا مظاہرہ کریں لیکن وہ نہیں جانتےکہ ان کی فٹ نس کا مسئلہ ان کا یہ خواب پورا ہونے دیتا ہے یا نہیں۔

ڈوپنگ کیس میں اپیل کمیٹی کے ایک رکن اور ایشین فیڈریشن آف سپورٹس میڈیسن کے نائب صدر ڈاکٹر دانش ظہیر کا کہنا ہے کہ پی سی بی کی جانب سے عالمی کپ کرکٹ سے پہلے پورے سکواڈ کا ڈوب ٹیسٹ کروانے سے محمد آصف اور شعیب اختر کا مستقبل خطرے میں پڑ سکتا ہے کیونکہ امکان ہے کہ ان کے جسم سے ممنوعہ ادویات کے اثرات دور نہ ہوئے ہوں۔