عبدالرشید شکور، مناء رانا
بی بی سی اردو ڈاٹ کام، کراچی/ لاہور |  |
| | | انضمام الحق نے شہریار خان سے ملاقات کی ہے۔ |
یونس خان کے کرکٹ ٹیم کی کپتانی سے انکار کے فیصلے کے بعد پاکستان کرکٹ بورڈ نے مشاورت کے لئے کپتان انضمام الحق کو بھی طلب کرلیا۔
انضمام الحق نے، جو آئی سی سی کی جانب سے چار میچوں کی پابندی کے نتیجے میں چیمپئنز ٹرافی میں حصہ نہیں لیں گے، قذافی اسٹیڈیم میں بولنگ کوچ وقار یونس اور اسسٹنٹ کوچ مشتاق احمد کے ہمراہ پاکستان کرکٹ بورڈ کے چیئرمین شہریارخان سے ملاقات کی ہے جس میں یونس خان کے فیصلے کے بارے میں غور کیا گیا۔پاکستان کرکٹ بورڈ یونس خان کو اپنے فیصلے پر نظرثانی پر مجبور کرنے میں ناکام ہونے کے بعد کسی نتیجے پر نہیں پہنچ سکا ہے۔ پاکستان کرکٹ بورڈ کے ڈائریکٹر سلیم الطاف اور ٹیم کے منیجر طلعت علی نے کوچ باب وولمر کے ہمراہ یونس خان سے مذاکرات کئے تھے جو نتیجہ خیز ثابت نہیں ہوسکے۔
| 
انضمام کا متبادل فیصل اقبال
