 | | | | | | | ||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||
|
برازیل ورلڈ کپ سے باہر | |||||||||||||||||||||||||||||||||||||||||||||||||||
فٹبال عالمی کپ کے چوتھے کوارٹر فائنل میں فرانس برازیل کوایک گول سے ہرا کر سیمی فائنل میں پہنچ گیا ہے۔ میچ کا واحد گول فرانس کے ٹیری اونری نے تریپنویں منٹ میں کیا۔ فرانس کی ٹیم میچ پر مکمل طور پر چھائی رہی اور انہوں نے بہترین کھیل پیش کیا۔ فرانس کو گول کرنے کے کئی موقعے ملے پر وہ اپنی برتری میں اضافہ نہ کر سکے۔ پہلے ہاف میں بھی فرانس کی ٹیم برازیل کےگول پر مسلسل حملے کرتی رہی۔ فرانس کے کپتان زیڈان نے بہت خوبصورت کھیل پیش کیا اور گول کرنے کے کئی مواقعے بنائے لیکن فرانس ان سے فائدہ نہ اٹھاسکا۔ ہاف ٹائم سے ایک منٹ قبل برازیل کے مشہور کھلاڑی رونالڈو کو گیند کو ہاتھ مارنے پر پیلا کارڈ دکھایا گیا۔ اس سے قبل ورلڈ کپ کےتیسرے کوارٹر فائنل میں پرتگال نے ایک سنسنی خیز مقابلے کے بعد انگلینڈ کو ایک کے مقابلے میں تین گول سے ہرا کر سیمی فائنل میں اپنی جگہ کو یقینی بنا لیا۔ انگلینڈ اور پرتگال کی ٹیموں کے درمیان مقابلہ اضافی وقت میں بھی کسی گول کے بغیر مسلسل برابر تھااور کسی بھی ٹیم نے کوئی گول نہیں کیا۔ کھیل کے پہلے اور دوسرے ہاف میں دونوں ٹیموں نے تقریباً ایک جیسے کھیل کا مظاہرہ کیا لیکن دوسرے ہاف میں کوئی قابلِ ذکر کھیل نہ ہو سکا۔ انگلینڈ کے کھلاڑی وین رونی کو پرتگال کے کھلاڑی کے خلاف فاؤل کھیلنے کی وجہ سے ریڈ کارڈ دکھا کر گراؤنڈ سے باہر بھیج دیا گیا ہے اور اس طرح اب انگلینڈ کی ٹیم دس کھلاڑیوں سے کھیل رہی ہے۔ انگلینڈ کی طرف سے ٹیری جبکہ پرتگال کی طرف پیٹٹ کو پیلا کارڈ دکھایا جا چکا ہے۔ میچ سے پہلے ہونے والی پریس کانفرنس میں انگلینڈ کے کوچ گوران ایرِکسن نے کہا تھا کہ یہ انگلینڈ ٹیم کے پاس انیس سو چھیاسٹھ کی تاریخ دہرانے کا بہترین موقع ہے۔ پرتگال کے خلاف کوارٹر فائنل سے قبل وہ بہت بااعتماد تھے اور انہوں نے اپنے کھلاڑیوں سے کہا کہ ’ہم آخری دن نو جون کو یہاں ہوں گے‘۔ انہوں نے مزید کہا کہ ’ہماری ٹیم اچھی ہے اور ہم میں آگے جانے کی صلاحیت ہے‘۔ انہوں نے کہا کہ وہ اپنے مد مقابل کوچ لویز سولاری کے برعکس پر سکون رہنا ہی پسند کریں گے۔ انہوں نے کہا کہ ’اگر میں کھیل سے پہلے یا وقفے میں چیخوں چلاؤں تو اس سے ہم بہتر فٹ بال نہیں کھیلیں گے‘۔ جرمنی اور اٹلی پہلے ہی ارجنٹینا اور یوکرین کو ہرا کر سیمی فائنل میں پہنچ چکے ہیں۔ انگلینڈ کی ٹیم: رابنسن، نیوائل، ٹیری، فردینند، اے کول، ہارگریوز، بیکہم، جیرارڈ، لیمپارڈ، جے کول اور رونی۔ پرتگال کی ٹیم: ریکارڈو، میرا، میگوئل، ریکارڈو کاروالہو، نونو والنٹے، فیگو، مانیشے، پیٹیٹ، ٹیاگو، رونالڈو اور پولیٹا۔ | 
اسی بارے میں  ورچوئل ریپلے: جرمنی بمقابلہ ارجنٹینا30 June, 2006 | کھیل ورچوئل ریپلے: اٹلی بمقابلہ یوکرین 30 June, 2006 | کھیل فٹ بال عالمی کپ: کوراٹرفائنل آج سے30 June, 2006 | کھیل برازیل، فرانس کوارٹر فائنل میں 27 June, 2006 | کھیل ڈیکو کی اپیل مسترد27 June, 2006 | کھیل برازیل، فرانس کوارٹر فائنل میں 27 June, 2006 | کھیل | |||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
