فِل مک نلٹی بی بی سی

	ایرکسن کے خیال میں ان کے پاس دو سال پہلے کی نسبت اب بہتر ٹیم ہے

پرتگال کے خلاف کوارٹر فائنل سے قبل وہ بہت بااعتماد تھے اور انہوں نے اپنے کھلاڑیوں سے کہا کہ ’ہم آخری دن نو جون کو یہاں ہوں گے‘۔ انہوں نے مزید کہا کہ ’ہماری ٹیم اچھی ہے اور ہم میں آگے جانے کی صلاحیت ہے‘۔

انہوں نے کہا کہ وہ اپنے مد مقابل کوچ لویز سولاری کے برعکس پر سکون رہنا ہی پسند کریں گے۔ انہوں نے کہا کہ ’اگر میں کھیل سے پہلے یا وقفے میں چیخوں چلاؤں تو اس سے ہم بہتر فٹ بال نہیں کھیلیں گے‘۔

’یہ میرا آخری کھیل نہیں ہو گا۔ میں نے اس طرح کبھی نہیں سوچا۔ مجھے پورا یقین ہے کہ یہ میرا آخری میچ نہیں ہے سوین ایرکسن

انہیں یقین ہے کہ پرتگال کے خلاف میچ انکا بحیثیت انگلینڈ کے کوچ آخری میچ نہیں ہو گا۔ انہوں نے کہا کہ ’یہ میرا آخری کھیل نہیں ہو گا۔ میں نے اس طرح کبھی نہیں سوچا۔ مجھے پورا یقین ہے کہ یہ میرا آخری میچ نہیں ہے‘۔

انہوں نے کہا کہ انہیں کھلاڑیوں پر اعتماد ہے۔ انہوں نے کہا کہ ’یہ میری بہترین ٹیم ہے۔ اور اس سے بھی بڑھ کر یہ کہ وہ اب مزید پر اعتماد، تجربہ کار اور صحیح عمر کے کھلاڑی ہیں‘۔

انہوں نے کہا کہ ’مجھے یہ نہیں پتہ کہ میں بہتر مینیجر ہوں یا نہیں البتہ مجھے یہ پتہ ہے کہ میرے پاس اس وقت یورو کپ دو ہزار چار اور جاپان کے گزشتہ عالمی کپ سے بہتر ٹیم ہے‘۔

انہوں نے کہا کہ انہیں تنقید کی پروا نہیں ہے بلکہ ان کی توجہ اصل مقصد کی طرف ہے۔