مناء رانا ی بی سی اردو ڈاٹ کام فیصل آباد

	سلمان بٹ کی پراعتماد بیٹنگ

پاکستان ٹیم کے اوپننگ بیٹسمین سلمان بٹ جو کہ پاکستان کی جانب سے ساتواں ٹیسٹ میچ کھیل رہے تھے، پاکستان کی دوسری اننگز میں بڑے اعتماد سے بیٹنگ کر رہے تھے۔

انہوں نے چار چوکوں کی مدد سے ٹیسٹ میچز میں اپنی دوسری نصف سنچری مکمل کی۔ نصف سنچری بنانے کے بعد وہ شان یوڈل کی بالنگ پر بیٹنگ کر رہے تھے کہ امپائر ڈیرل ہئرنے انہیں رن لیتے ہوئے پچ خراب کرنے پر وارننگ دی۔

امپائر نے ان کا وہ رن منسوخ کر دیا اور وہ اس وارننگ کی اگلی ہی گیند پر سلمان بٹ یوڈل کی گیند پر ایل بی ڈبلیو آؤٹ قرار دیے گئے۔

اس سے پہلے انگلینڈ کی بیٹنگ کے دوران منگل کے روز پاکستان کے سپن بالر دانش کنیریا کو بھی امپائر نے بال کرانے کے بعد پچ خراب کرنے پر آنے پر تنبیہ کی تھی۔ دانش کو ایسی وارننگ دو دفعہ دی گئی۔

انٹرنیشنل کرکٹ کونسل کے قانون کے مطابق اگر کسی بیٹسمین کو پچ پر بھاگنے پر تین وارننگ مل جائیں تو اس کی ٹیم کے سکور میں سے پانچ رنز کاٹ لیے جاتے ہیں۔ اور اگر کسی بالر کو تین بار ایسی وارننگ مل جائے تو وہ اس اننگز میں مزید بالنگ نہیں کرسکے گا۔