ایشز سیریز میں فتح کے بعد اینڈریو فلنٹاف کی نظریں دورہ پاکستان پر ہیں۔

آسٹریلیا میں ہونے والی ورلڈ سیریز کے لیے پریکٹیس کے دوران فاسٹ بولر شعیب اختر کی گیند اینڈریو فلنٹاف کے بازو پر لگی۔اینڈریو فلنٹاف اور شیعب اختر ورلڈ الیون کی ٹیم میں شامل ہیں۔

اینڈریو فلنٹاف نے کہا شیعب اختر کی گیند ان کے بازو پر لگی جس سے ان کو تکلیف بہت ہوئی۔ فلنٹاف نے کہا ’ اب میں ٹھیک ہوں، کھیل میں ایسے ہوتا ہے‘۔

اینڈریو فلنٹاف کو جمعہ کے روز وکٹوریہ ٹیم کے خلاف کھیلے جانے والے ورام اپ میچ میں شامل نہیں کیا گیا ہے۔

اینڈریو فلنٹاف کو وارم میچ میں شامل نہ کیے جانے کی وجہ بتاتے ہوئے سنیل گواسکر نے کہا کہ اینڈریو فلنٹاف ابھی ابھی ایشز سیریز میں زبردست کرکٹ کھیل کر فارغ ہوئے ہیں اور ان کو وارم اپ میچ میں شامل کرنے کی کوئی ضرورت نہیں تھی۔

آسٹریلیا کے خلاف تین ون ڈے میچ کی سپر سیریز سے پہلے ورلڈ الیون کے لیے یہ واحد وارم میچ ہے۔

فلنٹاف نے کہا کہ آسٹریلیا کے خلاف ورلڈ الیون کی کامیابی کے لیے مخالف ٹیم کے کھلاڑی کو آؤٹ کرنے کے لیے پلان بنانے کی ضرورت ہو گی کیونکہ انگلینڈ نے ایشز سیریز میں اسی طرح کامیابی حاصل کی تھی۔

برائن لارا کو ورلڈ الیون کا نائب کپتان مقرر کیا گیا ہے۔ ورلڈ الیون ون ڈے سیریز کے لیے شان پولاک کپتان ہیں۔ برائن لارا نے نائب کپتان مقرر کیے جانے پر خوشی کا اظہار کرتے ہوئے کہا کہ یہ ان کے لیے اعزاز کی بات ہے۔