شبیر احمد کے ایکشن کا تجزیہ آئی سی سی کے ماہرین کریں گے

ویسٹ انڈیز کے خلاف پہلے ٹیسٹ میں میچ حکام نے شبیر احمد بولنگ ایکشن پر اعتراض کیا تھا۔

پاکستان کرکٹ ٹیم کے منیجر سلیم الطاف نے کہا پاکستان شبیر احمد کے بولنگ ایکشن پر اعتراضات سے پریشانی ہے کیونکہ ایسا تیسری مرتبہ ہوا ہے۔

آئی سی سی کے نامزد کردہ بائیومکینک یہ پتہ چلائیں گے کہ کیا پاکستانی فاسٹ بولر کی کہنی کا جھکاؤ پندرہ ڈگری کے زاویے کے اندر ہے یا باہر۔

سلیم الطاف کے مطابق بائیومکینک کے معائنے کے بعد یہ پتہ چل سکے گا کہ بولر کا ایکشن کہنی کو سیدھا رکھنے کے پندرہ ڈگری کے زاویے کے اندر ہے یا باہر۔

انتیس سالہ شبیر احمد نے اب تک نو ٹیسٹ میچ کھیلے ہیں اور چھیالیس وکٹیں حاصل کی ہیں۔ اس نے ویسٹ انڈیز کے خلاف آخری میچ میں آٹھ وکٹیں حاصل کی تھیں۔

اس تجزیے کے چودہ دن کے بعد تعینات کیے گئے ماہرین بائیومکینیکل رپورٹ کے متعلق آئی سی سی کو آگاہ کریں گے۔ اور اس کے بعد اس بات کی تصدیق ہو جائے گی کہ بولر کا ایکشن کہنی کو سیدھا رکھنے کے پندرہ ڈگری کے زاویے کے اندر ہے یا باہر۔

جب آئی سی سی کو ماہرین کی رپورٹ مل جائے گی تو فوراً ہی اس کی ایک کاپی پاکستان کرکٹ بورڈ کو بھی مل جائے گی۔

شبیر احمد کو اس وقت تک بین الاقوامی کرکٹ کھیلنے کی اجازت ہے۔