 | | | | | | | ||||||||||||||||||||||||||||||||||
| | |||||||||||||||||||||||||||||||||||||||
|
پاکستان اکتیس رنز سے ہار گیا | |||||||||||||||||||||||||||||||||||||||
وی بی سیریز کے دوسرے فائنل میں آسٹریلیا نے 239 کے جواب میں پاکستان کی ٹیم 208 رنز پر آؤٹ ہو گئی۔ اس طرح آسٹریلیا دوسرا فائنل اور وی بی سیریز دو صفر سے جیت گیا۔ آسٹریلیا کی طرف سے میگرا نے تباہ کن بالنگ کراتے ہوئے سات اعشاریہ چار اوورز میں ستائیس رنز دے کر پانچ کھلاڑیوں کو آؤٹ کیا۔ پاکستان کی طرف سے یوسف یوحنا اور عبدالرزاق کے علاوہ کوئی کھلاڑی بھی جم کر نہ کھیل سکا۔ پاکستان کی طرف سے پہلے آؤٹ ہونے والے کھلاڑی توفیق عمر تھے جو تین رنز بنا کر بریٹ لی گیند پر میگرا کے ہاتھوں کیچ ہو گئے۔ پاکستان کے دوسرے اوپنر کامران اکمل بھی زیادہ دیر تک کریز پر نہ ٹھہر سکے اور بارہ رنز بنا کر میگرا کی گیند پر وکٹ کیپر گلکرسٹ کے ہاتھوں کیچ ہو گئے۔ پاکستان کی طرف سے آؤٹ ہونے والے تیسرے کھلاڑی محمد حفیظ تھے۔ وہ چھ رنز بنا کر میگرا کی گیند پر مائیکل کلارک کے ہاتھوں کیچ ہوئے۔ کپتان انضمام الحق بغیر کوئی رنز بنائے میگرا کی گیند کر ایل بی ڈبلیو ہوئے۔ یوسف یوحنا اور شعیب ملک نے مل کر ٹیم کو میچ میں واپس لانے کی کوشش کی لیکن چوہتر کے سکور پر شعیب ملک 14 رنز بنا کر بریڈ ہاگ کی گیند پر کاٹیچ کے ہاتھوں کیچ ہو گئے۔ پاکستان کی طرف سے چھٹے آؤٹ ہونے والے کھلاڑی یوسف یوحنا تھے۔ وہ اکاون رنز بنا کر بریڈ ہاگ کی گیند پر بولڈ ہو گئے۔ عبدالرزاق کا ساتھ دینے کے لیے شاہد آفریدی گراؤنڈ میں آئے ہیں لیکن وہ بھی اکیس گیندوں پر اکتیس رنز بنا کر رن آؤٹ ہوگئے۔ پاکستان کے آٹھویں آؤٹ ہونے والے کھلاڑی اظہر محمود تھے جو تیرہ رنز بنا کر جیس گلیسپی کے گیند پر ایل بی ڈبلیو ہوگئے۔ اس مرحلے پر عبدالرزاق سے امید تھی کہ وہ ٹیم کو میچ میں واپس لانے کی کوشش کریں گے۔ لیکن وہ بھی تینتالیس رنز بنا کر میگرا کی گیند پر وکٹ کیپر گلکرسٹ کے ہاتھوں کیچ ہوگئے۔ رانا نوید الحسن پاکستان کی طرف سے آؤٹ ہونے والے آخری کھلاڑی تھے جو انیس رنز بنا کر میگرا کی گیند پر بولڈ ہوئے۔ اس سے پہلے آسٹریلیا کی ٹیم نے ٹاس جیت کر پہلے کھیلتے ہوئے مقرر پچاس اوروں میں 239 رنز بنائے اور اس کے نو کھلاڑی آؤٹ ہوئے۔ آسٹریلیا کی طرف سے ڈیمیئل مارٹن تینتالیس رنز بنا کر ٹاپ سکورر رہے۔ وہ عبدالرزاق کی گیند پر بولڈ ہوئے۔ آسٹریلیا کے کپتان رِکی پونٹنگ اکتالیس، وکٹ کیپر ایڈم گلکرسٹ چالیس اور مائیکل کلارک اڑتیس رنز کے ساتھ دیگر اہم سکورر رہے۔ پاکستان کی طرف سے شاہد آفریدی، رانا نوید الحسن اور عبدالرزاق نے دو دو جبکہ راؤ افتخار انجم اور محمد حفیظ نے ایک ایک کھلاڑی کو آؤٹ کیا۔ آسٹریلیا کی ٹیم: رکی پونٹنگ (کپتان)، ایڈم گلگرسٹ، مائیکل کلارک، ڈیمیئل مارٹن، سائمن کٹیچ، ڈیرن لیہمن، شین واٹسن، بریڈ ہاگ، بریٹ لی، جیسن گلسپی اور گلین میکگراتھ۔ پاکستان کی ٹیم: انضمام الحق (کپتان) ، توفیق عمر، محمد حفیظ، یوسف یوحنا، شعیب ملک، شاہد آفریدی، عبدالرزاق، اظہر محمود، کامران اکمل، نوید الحسن اور افتخار انجم۔ | 
| |||||||||||||||||||||||||||||||||||||||
| ||||||||||||||||||||||||||||||||||||||||
| ||||||||||||||||||||||||||||||||||||||||
یہ صفحہ دوست کو ای میل کیجیئے
پرِنٹ کریں
