سکیورٹی اہلکار ٹیم کے ساتھ پاکستان جائیں گے

بھارت کے وزیر کھیل وکرم ورما نے دہلی میں ایک پریس کانفرنس کے دوران کہا ہے کہ کرکٹ سیریز کے حوالے سے کراچی اور پشاور کھلاڑیوں کے لئے محفوظ مقامات نہیں ہیں۔

توقع ہے کہ سنیچر کو کلکتہ میں سیریز کے مکمل شیڈیول کا اعلان کر دیا جائے گا۔

بھارت کے وزیرِ کھیل وکرم ورما نے کہا ہے کہ سکیورٹی اقدامات کا جائزہ لینے کی غرض سے پاکستان سے لوٹنے والے بھارتی وفد نے تلقین کی ہے کہ بھارتی ٹیم کو طویل عرصہ تک پشاور اور کراچی میں رکھنا غیرمحفوظ ہے۔ اس لئے ان دونوں شہروں میں صرف ایک روزہ بین الاقوامی میچ ہی کھیلے جائیں گے۔

کراچی اور پشاور میں میچ نہیں ہوں گے

وکرم ورما نے یہ بھی بتایا ہے کہ بھارتی ٹیم کے ہمراہ سکیورٹی کے تین اہلکار بھی پاکستان جائیں گے جو حفاظتی انتظامات میں مدد کریں گے۔

وکرم ورما کے مطابق دورے کا آغاز مارچ کے دوسرے ہفتے میں متوقع ہے۔ انہوں نے کہا کہ چودہ برس بعد منعقد کی جانے والی اس سیریم میں تین ٹیسٹ میچ اور پانچ ایک روزہ بین الاقوامی میچ کھیلے جائیں گے۔

توقع ہے کہ بھارتی کرکٹ بورڈ سنیچر کی شام کو سیریز کی دیگر تفصیلات جاری کر دے گا۔

جمعہ کو ہونے والی پریس کانفرنس میں بی سی سی آئی کے سربراہ جگموہن ڈالمیا نے کہا تھا کہ یہ سیریز چار پانچ روز تک ملتوی ہو سکتی ہے۔