آصف علی اور افغان بولر میں گرماگرمی جس نے شائقین اور سوشل میڈیا کو اپنی لپیٹ میں لیا
،تصویر کا ذریعہGetty Images
گذشتہ رات پاکستان اور افغانستان کے درمیان میچ کے اختتامی اوورز کسی بھی مداح کے لیے خاصے اعصاب شکن ہوتے اور اس کا اظہار سنجے منجریکر نے اپنی ٹویٹ میں بھی کیا کہ ’شاید یہ اُن کی کمنٹری کے کریئر کے بہترین میچوں‘ میں سے ایک تھا۔
تاہم ان اوورز میں گرما گرمی اُس وقت عروج پر پہنچ گئی جب افغان بولر فرید احمد نے پاکستانی بلے باز آصف علی کو آؤٹ کیا اور بات ان کے درمیان تلخ کلامی تک جا پہنچی۔ اور پھر میچ کے اختتام پر پاکستانی کھلاڑیوں کا ’جذباتی انداز‘ یقیناً اُس تلخ کلامی کا جواب تھا۔
وہ میچ کا ایک اہم موڑ تھا۔ پاکستان کو جیت کے لیے آٹھ گیندوں پر 12 رنز درکار تھے۔ آصف علی، جو اس سے پہلے بھی آخری گیندوں پر چھکوں کی مدد سے پاکستان کو جتا چکے ہیں، فرید کو مڈ وکٹ کے اوپر سے ایک چھکا مار چکے تھے۔
لیکن فرید نے حاضر دماغی کا مظاہرہ کرتے ہوئے شارٹ گیند کروائی اور آصف شارٹ فائن لیگ کو کیچ دے بیٹھے۔
،تصویر کا ذریعہGetty Images
فرید جذبات میں جشن مناتے ہوئے آصف علی کے پاس گئے جو اس وقت رن لینے کی کوشش میں کریز پر آگے تک پہنچ چکے تھے۔ دونوں ایک دوسرے کے کافی قریب تھے جب فرید نے جشن منانے کی کوشش اور آصف کے قریب بازو ہوا میں لہرایا۔
اس دوران انھوں نے کیا کہا یہ تو وہ دونوں ہی بہتر جانتے ہیں لیکن آصف نے پہلے بازو اُن کی جانب بڑھایا اور لفظی تکرار کے دوران اپنا بلا بھی گھمایا۔
تاہم جو بھی کہا گیا ہو آئی سی سی کے میچ ریفری اینڈی پائیکرافٹ نے پاکستان کے آصف علی اور افغانستان کے فرید احمد پر آئی سی سی کے ضابطۂ اخلاق کی خلاف ورزی پر میچ فیس کا پچیس پچیس فیصد جرمانہ عائد کیا ہے۔
بدھ کو جب دونوں کھلاڑی آپس میں الجھ پڑے تھے تو دوسرے کھلاڑیوں اور امپائر نے بیچ بچاؤ کروایا تھا اور پاکستانی بولر حسن علی بھی افغان کھلاڑی کو سمجھاتے نظر آئے تھے۔
End of سب سے زیادہ پڑھی جانے والی
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
حیران کُن بات یہ ہے کہ اس وقت تک میچ ایک اچھے سپرٹ میں کھیلا جا رہا تھا۔ حارث رؤف اور محمد راشد خان سے مسکراتے ہوئے باتیں کرتے دکھائی دیے۔
لیکن اب میچ ایک سنسنی خیز موڑ پر تھا۔ آصف علی کے آؤٹ ہونے کے بعد پاکستان کے نو کھلاڑی آوٹ ہو چکے تھے اور اب کریز پر نوجوان نسیم شاہ موجود تھے جو یہ سب دیکھ اور سُن چکے تھے۔
اگلے اوور کی پہلی دو گیندوں پر دو چھکے مار کر انھوں نے پاکستان کو فتح سے ہمکنار تو کروایا ہی لیکن ساتھ ہی جس انداز میں جشن منایا اس میں جذبات اور شاید افغان کھلاڑی سے تلخ کلامی کا جواب بھی موجود تھا۔
نسیم شاہ ہی نہیں آصف علی سمیت پاکستانی ٹیم کے متعدد کھلاڑی گراؤنڈ میں آ کر نسیم کا ساتھ دیتے دکھائی دیے۔
،تصویر کا ذریعہGetty Images
ایک صارف نے لکھا کہ حسن علی جس طرح سے میدان میں دوڑتے ہوئے آئے اس سے پاکستان ٹیم میں اتحاد کی خوبصورتی نظر آئی۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
شارجہ کے گراؤنڈ میں ہی یہ بات ختم ہو جاتی تو بہتر تھا، لیکن اس کے بعد پہلے یہ تماشائیوں کے سٹینڈز تک پہنچی جہاں بظاہر افغان مداحوں کو سیٹیں اکھاڑتے دیکھا جا سکتا ہے اور انھیں پاکستانی مداحوں کی جانب اچھالتے بھی۔
یہی گرما گرمی سوشل میڈیا پر بھی دیکھنے کو مل رہی ہے جہاں ایک جانب پاکستانی صارفین افغان کھلاڑی اور شائقین کے رویے کی شکایت کرتے نظر آئے تو دوسری جانب ’بین آصف علی‘ یعنی آصف علی پر پابندی عائد کرنے جیسا ٹرینڈ بھی چلا جس میں کچھ افغان کھلاڑیوں کی جانب سے بھی ٹویٹ کیے گئے۔
فخر عالم نے ٹویٹر پر لکھا کہ ’افغان کرکٹ شائقین کا رویہ مایوس کُن ہے۔ آئی سی سی کو یقینی بنانا چاہیے کہ تمام سٹیڈیم محفوظ ہوں۔ امید ہے کہ مقامی حکام ان افراد کے خلاف کارروائی کریں گے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
متحدہ عرب امارات کی جانب سے بیان میں کہا گیا ہے کہ وہ اس میچ کے بعد سٹیڈیم میں ہنگامہ آرائی کا جائزہ لے رہے ہیں۔
دوسری جانب افغان کھلاڑی آفتاب عالم نے ٹویٹر پر لکھا کہ ’امید ہے کہ آئی سی سی آصف علی پر پابندی لگائے گی کیونکہ اُن کی جانب سے ایسا دوسری بار کیا گیا ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
یاد رہے کہ آئی سی سی ٹی ٹونٹی ورلڈ کپ میں بھی آصف علی نے افغانستان کے خلاف چھکوں سے میچ جتوایا تھا۔
آئی سی سی اس واقعے پر کیا کارروائی کرتا ہے، اس پر آج میچ امپائرز کی جانب سے فیصلہ متوقع ہے۔
لیکن افغانستان پاکستان میچوں میں عام طور پر سوشل میڈیا پر اس قسم کی گرما گرمی تو دیکھی جاتی ہے لیکن گراؤنڈ میں دونوں ٹیموں کے کھلاڑیوں کے درمیان باہمی احترام کا مظاہرہ دیکھنے کو ملتا ہے۔ اس کی وجہ متعدد افغان کھلاڑیوں کی پی ایس ایل میں شرکت بھی ہے۔
ایسے میں چند لوگوں نے اس گرما گرمی کو پاکستان اور افغانستان کے درمیان تاریخی تنازعات کی روشنی میں دیکھا تو کسی نے یہ سمجھانے کی کوشش کی کہ کھیل کو کھیل ہی رہنے دیں تو بہتر ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 5
معاملہ شارجہ تک ہی محدود نہیں رہا بلکہ پاکستان میں بھی ایسے واقعات ہوئے جو اس میچ سے ہی جڑے تھے۔
افراح مسکان نے لکھا کہ کہ وہ اپنی دوست کے ساتھ اسلام آباد کے ایک ریسٹورنٹ میں میچ دیکھ رہی تھیں جہاں پاکستانیوں کی جانب سے جیت کے جشن پر وہاں موجود افغان شائقین کے ساتھ جھڑپ ہو گئی۔
،تصویر کا ذریعہTWITTER/@ifrahmaskan
