یاہو کو اس معاہدے سے آٹھ سو ملین ڈالر سالانہ اضافی آمدن ہو گی

معاہدے کے تحت امریکہ اور کینیڈا میں یاہو کے سرچ نتائج میں گوگل کے اشتہارات بھی نظر آئیں گے۔

یہ اعلان اس وقت سامنے آیا ہے جب یاہو نے کہا ہے کہ وہ مائیکروسافٹ کو انٹرنیٹ کمپنی بیچنے میں ناکام رہا ہے۔

حال ہی میں یاہو نے مائیکروسافٹ کی آن لائن سرچ بزنس خریدنے کی پیشکش کو رد کر دیا ہے۔

یاہو نے کہاہے کہ گوگل کے ساتھ معاہدے سے اسے ہر سال 800 ملین ڈالر اضافی آمدنی ہو گی۔

یہ پارٹنرشپ ابتدائی طور پر تین سال کی ہو گی لیکن اگر یاہو چاہے تو اس کی تجدید دس سال تک بھی ہو سکتی ہے۔

گوگل نے کہا ہے کہ معاہدے کو قانونی منظوری کی ضرورت نہیں ہے لیکن وہ اس کی تکمیل میں ساڑھے تین ماہ تاخیر کرے گگ تاکہ امریکی وزارتِ عدل اس کا ازسرِ نو جائزہ لے سکے۔