آئی فون ایشیا میں سن دو ہزار آٹھ میں آئے گا

ایپل نے کہا کہ ان کے کسی سٹور سے کوئی خریدار دو فون سے زیادہ نہیں لے جا سکے گا۔ اس فون کی ساڑھےتین انچ کی ٹچ سکرین ہے، وائی فائی ہے، کی پیڈ نہیں ہے، کیمرہ اور ویب براؤزر ہے۔ اس فون پر موسیقی سنی جا سکتی ہے اور آئی ٹیونز کے ذریعے وڈیو اپ لوڈ کیے جا سکتے ہیں۔

	آئی فون خریدنے کی خوشی

شکاگو میں ایپل کی دکان کے باہر کھڑے باسٹھ سالہ ایلبرٹ لونگسٹون نے رائٹرز کو بتایا کہ وہ ماضی میں کئی فون رکھ چکے ہیں جن میں بہت مہنگے فون بھی شامل ہیں۔ انہوں نے کہا کہ یہ مختلف ہے، یہ جدید ترین کھلونا ہے۔ میری عمر باسٹھ سال ہے اور میرے پاس کھلونے خریدنے کے لیے زیادہ وقت نہیں بچا‘۔

ایپل کے آئی فون سن دو ہزار سات کے آخر میں یورپ میں اور دو ہزار آٹھ میں ایشیا میں میسر ہوں گے۔

آئی فون میں لوگوں کی زیادہ دلچسپی پیدا ہونے کی ایک وجہ سٹوروں کے باہر قطاروں میں لگے وہ لوگ ہیں جو وہاں سے بلاگ نشر کرتے رہے ہیں۔ آلات کی ویب سائٹ گزموڈو سان فرانسسکو میں ایپل کے سٹور کے باہر سے براہ راست رپورٹ لیتی رہی ہے۔