بلیو جین عام کمپیوٹر سے 100000 گنا زیادہ تیز رفتار ہے۔

اس قسم کا یہ پہلا کمپیوٹر امریکی محکمہ توانائی کی آرگون نیشنل لیبارٹری میں الیونوئس میں نصب کیا جائے گاـ دو مزید کمپیوٹر امریکہ ہی کی دو لیبارٹریوں کے لئے جبکہ چوتھا کپمیوٹر برطانیہ کی کونسل برائے سائنس و ٹیکنالوجی کی ڈیریسبری لیبارٹری جو چیشائر میں ہے، کے لئے خریدا جائے گاـ
یہ نئی ایجاد ایٹمی طبیعیات جیسے پیچیدہ سائنسی مقاصد کے لئے استعمال کی جائے گی۔

اسی سلسلے کا سابقہ کمپیوٹر جین ایل جو کیلیفورنیا لارنس لیور مور نیشنل لیبارٹری میں نصب ہے اور امریکی ایٹمی ہتھیاروں کے ذخیرے کے حفاظتی مقصد کے تحت لگایا گیا ہے ،نہایت موثر ثابت ہوا ہےـ

دوسو اسی اعشاریہ چھ ٹیرا فلوپ یعنی دس ارب کیلکولیشن فی سیکنڈ سے زیادہ تیز رفتاری سے کام کرنے والا یہ کمپیوٹر 131072 پروسیسرز کے ساتھ کام کرتا ہے اور 367 ٹیرافلوپ کی رفتار تک کام کر سکتا ہےـ جبکہ جین پی میں 294912 پروسیسرز نصب کیے گئے ہیں اور ان کی تعداد 884736 تک بڑھائی جاسکتی ہے جس سے اس کی رفتار تین پیٹا فلوپ یعنی 3000 ٹریلین کیلکولیشن فی سیکنڈ تک بڑھائی جا سکتی ہےـ

اس کمپیوٹر کی لانچنگ کے موقع پر آئی بی ایم کے ڈیپ کمپیوٹنگ کے نائب صدر ڈیوٹیوریک نے کہا کہ کمپیوٹر کے ارتقائی عمل میں بلیو جین پی اب تک کی سب سے موثر پیشرفت ہےـ

جین پی۔۔۔طاقتور ترین کمپیوٹر  ”کمپیوٹر کے ارتقائی عمل میں بلیو جین پی اب تک کی سب سے موثر پیشرفت ہےـ” ڈیو ٹیوریک

اس مشین کی ہر مائکرو چپ میں آٹھ پروسیسرز نصب ہوں گے جوایک ماسٹر یونٹ کے تحت کام کریں گے اورانفرادی طور پر استعمال کیے جا سکیں گےـ
روڈ رنر کی رفتاراورطاقت کو مدنظر رکھتے ہوئے اس کی ترقی یافتہ شکل کو محض چند مزید پروسیسرز کی ضرورت پڑے گی ـ

جین پی سپر کمپیوٹر کے مقابلے پر سن کمپنی نے کونسٹیلیشن مشین کے نام سے سپر کمپیوٹر متعارف کیا ہے جسکح رفتار ایک اعشاریہ سات پیٹا فلوپ ہےـ اس سے قبل پہلی کونسٹیلیشن مشین جسے رینجر کا نام دیا گیا ہے، ٹیکساس یونیورسٹی میں آسٹن کے مقام پر نصب کی گئی ہے اور 500 ٹیرا فلوپ کی رفتار سے کام کرتی ہےـ