 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
ناسا خلائی شٹل کی روانگی مؤخر | ||||||||||||||||||||||||||||||||||||||||
امریکی خلائی ادارے ناسا نے اپنا اگلا خلائی شٹل مشن فیول ٹینک میں خرابی کے باعث جولائی تک موخر کردیا ہے۔ ناسا کے مطابق فیول ٹینک کے سینسر میں خرابی پیدا ہوگئی ہے جس کو تبدیل کرنے میں کم از کم تین ہفتے درکار ہیں جس کا مطلب یہ ہوا کہ اب پروگرام کے مطابق شٹل کو مئی میں روانہ نہیں کیا جاسکے گا۔ امریکی خلائی مشن گزشتہ سال جولائی سے رکا ہوا ہے جب خلائی شٹل ڈسکوری میں ایک فوم کے ٹکڑے کے ٹکرانے سے اس کا فیول ٹینک تباہ ہوگیا تھا۔ ایسا ہی مسئلہ 2003 میں کولمبیا شٹل کی تباہی کا باعث بنا تھا۔ شٹل انجن کے خصوصی سینسر میں، جنہیں ’ایکو‘ بھی کہا جاتا ہے، خرابی کے باعث ڈسکوری خلائی شٹل کے لانچ میں مسائل پیدا ہوگئے تھے۔ یہ سینسر شٹل کے کمپیوٹرم کو خبردار کرتے ہیں کہ فیول ٹینک خالی ہونے والا ہے۔ جس کے بعد شٹل کا نظام ضرورت کے مطابق عمل کرتا ہے۔ ناسا کے انجینیئروں کو یہ یقینی بنانا ہے کہ خراب ایکو سینسر کہیں شٹل کے انجن کو وقت سے پہلے ہی بند نہ کردیں۔ آزمائشی ٹیسٹ کے دوران نئے خلائی مشن کے چار ایکو سینسرز میں سے ایک میں معمولی خرابی ظاہر ہوئی ہے۔ جس کے بعد مشن کے منتظمین نے چاروں سینسر بدلنے کا فیصلہ کیا ہے۔ ان کا کہنا ہے کہ اس کام میں تین ہفتے لگ سکتے ہیں جس کے بعد شٹل کی روانگی جولائی تک ممکن نظر آتی ہے۔ اب خیال ہے کہ یہ مشن یکم سے انیس جولائی تک شروع کیا جاسکے گا۔ |  اسی بارے میں  ڈسکوری کی واپسی 08 August, 2005 | نیٹ سائنس ڈسکوری مرکز کی طرف روانہ20 August, 2005 | نیٹ سائنس ڈسکوری مرکز پر پہنچ گئی 22 August, 2005 | نیٹ سائنس مشتری پر ایک اور سرخ طوفان07 March, 2006 | نیٹ سائنس خلائی جہاز مریخ کے مدار میں 11 March, 2006 | نیٹ سائنس گُوگل کے ذریعے مریخ کی سیر14 March, 2006 | نیٹ سائنس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
