 |  زحل کی سطح ایک مصور کے تصور میں |
سائنسدانوں نے معلوم کیا ہے کہ سیارے زحل کے گرد دائرے سخت برف کے ٹکڑوں کی بجائے برف کے نرم گولوں کی مانند ہیں۔ اس کے علاوہ یہ بھی پتہ چلا ہے کہ یہ ٹکڑے اندازے سے کم رفتار سے گھوم رہے ہیں۔ سائنسدانوں نے امریکہ اور یورپ کی مشترکہ خلائی گاڑی کیسینی سے حاصل ہونے والی معلومات کے بعد کہا کہ ابھی زحل کے دائروں کے اجزاء کی ساخت کے بارے میں اندازہ لگایا جا سکتا ہے۔ انہوں نے کہا کہ انہوں نے زحل کے دائروں کے اجزاء کی ساخت کے بارے میں ان کے درجہ حرارت سے اندازہ لگایا۔ سائنسدانوں نے پہلی بار زحل کے دائروں میں ان کے اجزائے ترکیبی کا ایک چکر بنتے ہوئے بھی دیکھا ہے۔ یہ چکر بنتا اور ٹوٹتا رہتا ہے۔ یہ چکر سیارے کو گھیرے رکھتا ہے۔ کیسینی سے ملنے والی معلومات کے مطابق دائروں کے اجزاء قریب آ کر چھوٹے چکر بناتے ہیں جو مل کر بڑا چکر بناتے ہیں۔ لیکن یہ چکر تقریباً دو سال میں زحل کے کسی چاند کی کشش ثقل کی زد میں آ کر ٹوٹ جاتا ہے۔ | 
یہ صفحہ دوست کو ای میل کیجیئے
پرِنٹ کریں
