ایم ایس این سپیسز

اس سلسلے میں مائیکروسافٹ اپنی مدِّمقابل کمپنیوں گوگل اور اے او ایل سے پیچھے ہے جو لوگوں کو پہلے ہی اس طرح کی خدمات فراہم کرتی ہیں جن کے ذریعے وہ باآسانی اپنے بلاگ شروع کرسکتے ہیں۔

’بلاگ‘ جو لفظ ویب لاگ سے بنا ہے اور ایک طرح کی نجی ڈائری کے انداز میں لکھا جاتا ہے۔ یہ نیٹ پر آنے والوں میں اپنی آراء اور اپنیاں زندگیوں کے بارے میں لکھنے کے لیے پچھلے کچھ چند سالوں میں بہت مقبول ہوگیا ہے۔

اس وقت نیٹ پر موجود بلاگز کے مکمل اعدادوشمار تو موجود نہیں تاہم ان پر تحقیق کرنے والی ایک کمپنی ٹیکنوراٹی کا کہنا ہے کہ پچھلے اٹھارہ مہینوں میں ہر ساڑھے پانچ ماہ بعد بلاگز کی تعداد دوگنا ہوتی رہی ہے۔ اس کمپنی کے اندازے کے مطابق اس وقت اڑتالیس لاکھ بلاگز نیٹ پر موجود ہیں اگرچہ کچھ تجزیہ نگاروں کا کہنا ہے کہ ان میں سے ایک چوتھائی سے کم باقاعدگی سے اپ ڈیٹ ہوتے ہیں۔

ایم ایس این سپیسز ہر ایم ایس این یا ہاٹ میل اکاؤنٹ رکھنے والے کے لیے مفت مہیا کیا جائے گا۔ اس کے ذریعے لوگ تصویری البم، گانے اور اپنے صفحے کا ڈیزائن بھی اپ لوڈ کرسکیں گے۔ تاہم اسے مالی طور پر چلانے کے لیے اشتہاری بینرز ا س میں شامل کیے جائیں گے۔

مائیکرو سافٹ نے کے بلیک ارونگ کا کہنا ہے کہ بلاگز ’اظہارِ ذات کا بہترین ذریعہ ہیں۔‘