ایمرجنسی نمبر پر بغیر کسی ضرورت فون کرنا کسی دوسرے کی زندگی کے لیےخطرناک ہو سکتا ہے

یہ پولیس کو موصول ہونے والی ایسی کئی کالز میں سے ایک تھی۔پولیس نے لوگوں سے اپیل کی ہے کہ وہ معمولی یا فضول بات کے لیے پولیس کو فون نہ کیا کریں۔

ایک شخص نے ایمرجنسی نمبر پر فون کر کے شکایت کی کہ ایک ریستوراں کے عملے نے اس کے پیزا پر غلط ٹاپنگ لگادی ہے۔جبکہ ایک شخص اسی نمبر پر فون کر کے کیمسٹ کے کھلنے کا وقت معلوم کیا۔اسی طرح ایک شخص سے فرضی فون کر کے کہا کہ اس کے گھر میں سینٹا کلاز گھس آیا ہے۔

پولیس افسر کیرن لی کا کہنا ہے کہ’ہم نہیں چاہتے کہ کوئی ضرورت مند 999 ڈائل کرے اور اسے وقت پر صرف اس لیے مدد نہ مل سکے کیونکہ کوئی مذاق میں یا صرف تفریح کے لیے اس نمبر پر بات کر رہا ہے۔

پولیس کا کہنا ہے کہ جو لوگ ایمرجنسی نمبر پر بغیر کسی ضرورت پر فون کرتے ہیں وہ کسی دوسرے کی زندگی خطرے میں ڈال سکتے ہیں ۔

کرسمس کے دوران مانچیسٹر پولیس کو اب تک 72 جھوٹی کالز موصول ہو چکی ہیں۔

نئے سال کی رات کے لیے لوگوں کو خبردار کیا گیا ہے کہ وہ بلا وجہ اس نمبر پر فون نہ کریں کیونکہ یہ پولیس کے لیے ’سب سے مصروف اور اہم‘ وقت ہوتا ہے اور پولیس اپنا وقت برباد نہیں کرنا چاہتی۔