کرکوک میں عرب اور ترکمان قومیت کے لوگ رہتے ہیں

دھماکے کی وجہ ابھی تک واضح نہیں ہو سکی لیکن کرکوک وہ جگہ ہے جہاں کرد، عرب اور ترکمان قومیت کے لوگ رہتے ہیں۔

دھماکہ ایسے واقت ہوا ہے جب لوگ عید الضحٰی کی خوشیاں منا رہے ہیں۔

پولیس کے مطابق عبداللہ ریستوران میں جو اربیل جانے والی سڑک پر واقع ہے وہاں لوگ دوپہر کا کھانا کھا رہے تھے کہ دھماکہ ہو گیا۔

عراقی اور امریکی فوج نے علاقے کو گھیرے میں لے لیاہے۔

اگرچہ عراق میں مجموعی طور پر تشدد کے بڑے واقعات میں کمی ہوئی ہے لیکن کرکوک میں اکثر بم دھماکے ہوتے رہتے ہیں۔

تیل کی دولت سے مالا مال اس شہر پر عراقیوں، عربوں اور نسلی ترکمانیوں کا جھگڑا جاری ہے۔

عراقی کردوں کا خیال ہے کہ شہر کا کنٹرول ان کے پاس ہونا چاہیے کیونکہ یہاں ان کی اکثریت ہے لیکن جو ان کے نیم خود مختار شمالی حصے سے باہر ہے۔

لیکن عرب اور ترکمان قومیت کے لوگ کہتے ہیں کہ یہ شہر مرکزی حکومت کے زیرِ کنٹرول ہونا چاہیے۔