بغداد میں گزشتہ چند ہفتوں میں حملوں میں دوبارہ اضافہ ہوا ہے

یہ واقعہ غربت زدہ زنجیلی ضلع میں پیش آیا جہاں عراقی اور امریکی فوجی مشترکہ گشت کر رہے تھے۔

امریکی فوج کے مطابق عراقی فوجی نے پہلے گشت میں شامل امریکیوں پر گولی چلائی اور پھر اپنی جان لے لی۔

امریکی فوج کے مطابق اس واقعہ کی تفتیش کی جارہی ہے۔

بغداد سے نامہ نگار اینڈریو نارتھ کا کہنا ہے کہ عراقی فوجیوں نے پہلے بھی امریکیوں کو اس انداز میں نشانہ بنایا ہے لیکن یہ شاید اب تک کا سب سے سنگین واقعہ ہے۔

اس سے قبل بغداد کے وسط میں کار بم کا دھماکہ ہوا جس میں چار لوگ ہلاک ہوگئے۔ گزشتہ تین دنوں میں یہ تیسرا دھماکہ ہے۔

گزشتہ ایک سال میں عراق میں سکیورٹی کی مجموعی صورتحال کافی بہتر ہوئی ہے لیکن حالیہ دنوں میں مزاحمت کاروں کے حملوں میں اضافہ ہوا ہے۔