ایران کو کسی صورت میں جوہری ہتھیار بنانے کی اجازت نہیں دی جا سکتی: پیلن

ڈیموکریٹک پارٹی کے امیدوار جو بائڈن نے کہا کہ کافی عرصے سے ان کی اور صدارتی امیدوار باراک اوبامہ کی توجہ پاکستان پر ہے جس کے پاس پہلے ہی جوہری ہتھیار ہیں۔ انہوں نے کہا کہ پاکستان کے جوہری ہتھیار اسرائیل اور بحیرہ روم تک وار کر سکتے ہیں۔ بائڈن نے کہا کہ ایران کو جوہری ہتھیار مِلنا انتہائی عدم استحکام کا باعث بنے گا۔

مستحکم حکومت  امریکی سکیورٹی فورسز کہہ چکی ہیں کہ اگر امریکہ پر حملہ ہوا تو یہ افغانستان اور پاکستان کی پہاڑیوں میں القاعدہ کی منصوبہ بندی کے نتیجے میں ہوگا۔ انہوں نے کہا کہ اس وقت فوری ضرورت پاکستان میں ایک مستحکم حکومت کی ہے جو بائڈن

بائڈن نے کہا کہ پاکستان میں جمہوریت کی حمایت کرنے کی ضرورت ہے اور یہ صرف فوجی امداد کی صورت میں نہیں بلکہ اچھی حکومت کے قیام اور اقتصادی میدان میں امداد کی صورت میں بھی ہونا چاہیے۔

انہوں نے کہا کہ پاک افغان سرحد پر سات ہزار مدرسے ہیں’ہمیں ان کے دِل جیتنے کے لیے سکول بنانے میں مدد کرنی ہوگی تاکہ ہم صحیح معنوں میں دہشتگردی سے نمٹ سکیں‘۔

ریپبلکن پارٹی کی امیدوار سارا پیلن نے بھی پاکستان اور ایران کو انتہائی خطرناک قرار دیا۔ انہوں نے کہا کہ ایران کو کسی صورت میں جوہری ہتھیار بنانے کی اجازت نہیں دی جا سکتی۔