افغانستان میں حالیہ مہینوں میں تشدد کی کارروائیوں میں اٰضافہ ہوا ہے

نیٹو کے فوجی حکام نے ہلاک ہونے والوں فوجیوں کی قومیت کے بارے میں نہیں بتایا ہے۔

نیٹو کی طرف سے فراہم کردہ اطلاعات کے مطابق اس کے چار فوجی اور ایک راہگیر ملک کے مشرقی صوبے کنڑ میں سڑک کے کنارے نصب ایک بم کے پھٹنے کی وجہ سے ہلاک ہوئے۔

کنڑ ہی میں طالبان جنگجوؤں نے مروار ضلع کے گورنر کو اغواء کر لیا ہے۔

دریں اثناء خوست میں بھی تشدد کے ایک واقع میں نیٹو کا ایک فوجی ہلاک ہو گیا۔

حالیہ مہینوں میں افغانستان میں شدت پسندوں کی کارروائیوں میں تیزی آئی ہے۔