اوبامہ کی کامیابی سے سیاہ فام شخص کے امریکہ کا صدر بننے کے بارے میں بحث ختم ہو گئی

انہوں نے کہا کہ ہیلری کلنٹن اب ان کی صدراتی مہم میں پیش پیش ہوں گی۔ باراک اوبامہ کی انتخابی مہم کے لیے تیار کی گئی ویب سائٹ پر ایک لنک بھی رکھا گیا ہے جس کے ذریعے ان کے حامیوں کو ہیلری کلنٹن کا شکریہ ادا کرنے کے لیے کہا گیا ہے۔

اس سے قبل ہیلری کلنٹن نے اپنے حامیوں سے باراک اوباما کی حمایت کرنے کی اپیل کی تھی۔ اس کے ساتھ انہوں نے یہ امید بھی ظاہر کی تھی کہ ایک دن وائٹ ہاؤس میں ایک خاتون صدر ہو گی۔

ہیلری کلنٹن نیشنل بلڈنگ میوزیئم میں بڑے پرجوش اور پراعتماد لہجے میں خطاب کیا اور ان سب کا بھی شکریہ ادا کیا جنہوں نے انتخابی مہم کے دوران ان کی حمایت کی اور ووٹ دیا۔

انہوں نے کہا کہ گو وہ نامزدگی حاصل کرنے کی اس دوڑ میں کامیاب نہیں ہو سکیں لیکن عورت کے صدر بننے کی راہ ہموار کر دی ہے۔