تریپولی میں مشتعل مظاہرین نے شام کے صدر بشارالاسد اور حزب اللہ کے رہنما حسن نصر اللہ کے پوسٹر پھاڑ دیے

بی بی سی کے نامہ نگار کا کہنا ہے کہ دونوں اطراف سے مشین گنز اور گرینیڈ کا استعمال کیا جا رہا ہے اور لوگ اپنےگھر چھوڑ کر جا رہے ہیں۔

نامہ نگار کے مطابق لبنان کے دارالحکومت بیروت میں چار دن کےخونی فسادات کے بعد اب خاموشی چھائی ہوئی ہے۔حکومت اور اپوزیشن کے حامیوں کے درمیان ان جھڑپوں میں اب تک تیس سے زائد افراد ہلاک ہو چکے ہیں۔

سنیچر کو فوج کی حکومت کی طرف سےحز ب اللہ کےخلاف کارروائی رکنے کے بعد جماعت نےشہر کے مسلم اکثریت والے مغربی حصے سے اپنے جنگجو واپس بلانے کا فیصلہ کرلیا تھا۔

خونی فسادات  لبنان کے دارالخلافہ بیروت میں چار دن کےخونی فسادات کے بعد اب خاموشی چھائی ہوئی ہے۔حکومت اور اپوزیشن کے حامیوں کے درمیان ان جھڑپوں میں اب تک تیس سے زائد افراد ہلاک ہو چکے ہیں

اہلکار نے مزید بتایا کہ اب تک لڑائی سے سب سے زیادہ متاثرہ قصبے باب التبنیہ کے تقریباً سات ہزار افراد نقل مکانی کر چکے ہیں۔

اس سے قبل حکومت نواز مظاہرین نے شام کی حمایت یافتہ بعث پارٹی کے دفاتر جلا ئےاور شام کے صدر بشارالاسد اور حزب اللہ کے رہنما حسن نصراللہ کے پوسٹر پھاڑ دیے تھے۔

تاہم فوج کی مداخلت پر حکومت کی جانب سے دو متنازعہ فیصلے واپس لینے کے بعد بیروت میں جاری تصادم میں کچھ کمی واقع ہوئی ہے۔

لبنان میں جھڑپیں اس وقت شروع ہوئیں جب حکومت نےحزب اللہ کے نجی ٹیلی مواصلات کے مربوط نظام کو غیر قانونی قرار دیتے ہوئے اسے بند کر دینے کا فیصلہ کیا تھا۔حزب اللہ کے رہنما حسن نصراللہ نے حکومت کے اقدامات کو یہ کہتے ہوئے اعلانِ جنگ قرار دیا کہ وہ حزب اللہ کے اثر رسوخ کو کمزور کرنا چاہتی ہے۔

بی بی سی کے نامہ نگار جم میور کے مطابق ابتداء میں فوج دونوں اطراف کو ٹالتی رہی۔اور بعد میں اس بحران کو حل کرنے کے لیےاس نےدونوں گروپوں کے وقار کو برقرار رکھتے ہوئے ثالث کا کردار ادا کیا۔

نامہ نگار کے مطابق اگر یہ اقدامات صحیح طور پر چلتے رہے تو شہر میں امن لوٹ آئے گا اور بین الاقوامی ہوائی اڈے کو دوبارہ کھول دیا جائے گا۔

جم میور کا کہنا ہے لبنان کی تمام سیاسی پارٹیاں اس بات پر متفق ہیں کہ فوج کے کمانڈر جنرل مائیکل سلیمان لبنان کے اگلے صدر ہوں گے۔