خیال ہے کہ المصری کا افغانستان میں غیر ملکی فوج پر حملوں کی منصوبہ بندی میں اہم کردار تھا

امریکی انٹیلیجنس کے ایک اہلکار نے بی بی سی کو بتایا ہے کہ ان کا خیال ہے کہ المصری کا پچھلے دو ماہ میں انتقال ہوا ہے اور ان کی موت کی وجہ ہیپاٹائٹس (یرقان) کی بیماری تھی۔

مصر میں پیدا ہونے والے القاعدہ کے رہنما کو برطانوی اور امریکی انٹیلیجنس القاعدہ تنظیم کے ’بیرونی آپریشنز‘ کے سربراہ بتاتے ہیں۔

سنہ دو ہزار چھ میں پاکستانی اہلکاروں نے اعلان کیا تھا کہ المصری افغان سرحد کے قریب ایک گاؤں پر میزائل حملے میں ہلاک ہو گئے تھے تاہم بعد میں ان کو اس کی تردید کرنی پڑی

انسداد دہشت گردی کے اہلکاروں کا خیال ہے کہ المصری پاکستان کے قبائلی علاقوں میں چھپے ہوئے تھے اور وہیں پر ان کا انتقال ہوا۔

ان کے بارے میں معلومات کم ہیں اور ان کا اصلی نام بھیپتہ نہیں چل سکا ہے۔

ماضی میں المصری دو قاتلانا حملوں میں محفوظ رہے تھے۔ سنہ دو ہزار چھ میں پاکستانی اہلکاروں نے اعلان کیا تھا کہ المصری افغان سرحد کے قریب ایک گاؤں پر میزائل حملے میں ہلاک ہو گئے تھے تاہم بعد میں ان کو اس کی تردید کرنی پڑی۔ اس ہی سال میں پاکستان کے ایک اور گاؤں پر میزائل حملے میں انہیں نشانہ بنانے کی کوشش کی گئی تھی۔