ایلسٹر لیتھہیڈ بی بی سی نیوز، افغانستان

	مجموعی کاشت پچھلے سال جتنی یا اس سے کم ہو گی: اقوام متحدہ

تاہم افغانستان میں پوست کی مجموعی کاشت کے بارے میں اقوام متحدہ کا کہنا ہے کہ یہ پچھلے سال کی ریکارڈ فصل جتنی یا اس سے کچھ کم ہو گی۔

اقوام متحدہ کے ادارہ برائے منشیات اور جرائم نے اس رپورٹ کو تیار کرنے کے لیے تقریباً پانچ سو دیہاتوں میں انٹرویوز کیے ہیں۔

ہلمند کے پاس واقع نمروز صوبہ میں پوست کی کاشت رواں سال میں بڑی تشویش کی بات ہے کیونکہ اس صوبے میں کاشت میں نمایاں اضافے کی توقع ہے۔

رپورٹ کے مطابق تمام سابقہ ریکارڈ توڑنے والا ہلمند صوبہ اس سال بھی افغانستان میں پوست کی نصف مقدار کی فصل تیار کرے گا لیکن کاشت میں اضافے کی توقع نہیں ہے۔

قندھار اور دیگر صوبے زیادہ پوست پیدا کریں گے۔

لیکن مشرقی صوبہ ننگرہار میں پوست کی پیدوار میں کمی نظر آئے گی۔ پچھلے سال ننگرہار ان چند صوبوں میں سے تھا جہاں پوست بہت بڑی مقدار میں تیار کی گئی تھی۔

اقوام متحدہ کے مطابق کئی صوبوں میں پوست کی کاشت کا صفایا کیا جا سکتا ہے اگر منصوبے کے تحت پوست کے خاتمے کا پروگرام چلایا جائے۔

پوست کے خاتمے کا انحصار بہت حد تک بہار میں پوست کی کاشت بونے کے وقت چلائے جانے والی مہم پر ہو گا۔

ہم پوست کی مجموعی پیداوار سے خوش نہیں ہیں لیکن کم از کم اس کی مقدار میں اضافہ نہیں ہو رہا۔ شمالی افغانستان کے علاوہ علاقوں میں ظاہر ہو رہا ہے کہ ہم کیا کر سکتے ہیں جہاں پر عدم تحفظ نہ ہو۔

اس سال افغانستان میں بھنگ کی کاشت کی خبر ہے اور توقع کی جا رہی ہے کہ اس کی مقدار میں اضافہ ہو گا۔

پچھلے سالوں کی طرح یہ سال بھی پوست کی پیداوار کے حوالے عالمی برادری کے لیے مایوس کن ہو گا۔

انسداد منشیات کے ایک برطانوی اہلکار کا کہنا ہے ’ہم پوست کی مجموعی پیداوار سے خوش نہیں ہیں لیکن کم از کم اس کی مقدار میں اضافہ نہیں ہو رہا۔‘

’شمالی افغانستان کے علاوہ دیگر علاقوں میں ظاہر ہو رہا ہے کہ ہم کیا کر سکتے ہیں جہاں پر عدم تحفظ نہ ہو۔‘