 | | | | | | | |||||||||||||||||||||||||||||||||||||||
| | ||||||||||||||||||||||||||||||||||||||||||||
|
کینیا میں کشیدگی، متعدد ہلاکتیں | ||||||||||||||||||||||||||||||||||||||||||||
کینیا میں صدارتی انتخاب پر ہونے والی کشیدگی میں متعدد افراد ہلاک ہوگئے ہیں۔ متنازعہ صدارتی انتخاب کے بعد جنوبی کینیا کے قصبے کِسومو میں ہونے والی لڑائی میں دو خواتین اور تین بچوں سمیت تقریباً چالیس سے زائد افراد ہلاک ہوگئے ہیں۔ بی بی سی کے ایک رپورٹر نوئل مواکوگو نے حزبِ اختلاف کے اکثریتی علاقے کے مردہ خانے میں ہلاک ہونے والوں کی لاشیں دیکھیں جنہیں گولیاں ماری گئی تھیں۔ عینی شاہدین کا کہنا ہے کہ پولیس نے پچھلے ہفتے ہونے والے انتخاب میں دھاندلی کا الزام لگانے والے مظاہرین پر اسوقت گولیاں چلائیں جب انہوں نے پولیس پر پتھراؤ کیا۔
صدر موائی کیبا کی صدارتی انتخاب میں فاتح قرار پائے تھے لیکن رائیلا اوڈینگا کا کہنا ہے کہ انہوں نے دھاندلی سے کامیابی حاصل کی ہے۔ درالحکومت نیروبی اور مومباسا کی کچی آبادی کے علاقوں سے بھی پرتشدد لڑائی کی اطلاعات ہیں۔ خبر رساں ادرے رائٹرز کی رپورٹ مطابق نیروبی کی کچی آبادی کے علاقے کوروگچو سے بھی پندرہ لاشیں ملی ہیں۔ یورپی یونین کے الیکشن مبصرین نے بھی سرکاری طور پر ان انتخابات کے نتائج کے اعلان پر شکوک وشبہات ظاہر کئے تھے۔
خزبِ اختلاف کے رہنما اوڈنگا نے کہا ہے کہ’ مسٹر کیباکی اور کسی فوجی آمر میں کوئی فرق نہیں ہے۔’
| 
اسی بارے میں  یوکرین انتخابات، نتائج معطل26 November, 2004 | آس پاس کینیائی خواتین کے لیے محبت کی تربیت15 February, 2007 | آس پاس کینیا کا طیارہ ’کیمرون میں تباہ‘05 May, 2007 | آس پاس خوف کی سیاست سے بٹتی ہوئی دنیا23 May, 2007 | آس پاس گدھوں کو لنگوٹ باندھنے پر تنازعہ18 July, 2007 | آس پاس | ||||||||||||||||||||||||||||||||||||||||||||
| |||||||||||||||||||||||||||||||||||||||||||||
| |||||||||||||||||||||||||||||||||||||||||||||
مسٹر کیباکی اور کسی فوجی آمر میں کوئی فرق نہیں
