سنی فرقے نے کہا ہے کہ حکومت نے ان مطالبات تسلیم نہیں کیے ہیں

سنی اتحاد ’عراقی اکارڈنس فرنٹ‘ کے چھ وزراء نے گزشتہ ہفتے نوری المالکی کی شیعہ حکومت سے یہ کہہ کر استعفی دے دیا تھا کہ حکومت ان کے مطالبات کو تسلیم کرنے میں ناکام رہی ہے جن میں شیعہ مسلح گروہوں کے خلاف سخت کارروائی کرنے کا مطالبہ بھی شامل تھا۔

نورالمالکی نے ان وزراء کے استعفے مسترد کرتے ہوئے ان سے اپیل کی کہ وہ تعاون اور اتحاد کے جذبے کے تحت اپنے عہدوں پر واپس آ جائیں۔

نوالمالکی نے عراقی صدر جلال طالبانی اور نائب صدر عادل عبدالمہدی سے بھی اس سلسلے میں مذاکرات کئے ہیں اور اس سلسلے میں اگلے چند دنوں میں مزید مذاکرات ہونے کی توقع ہے۔

تاہم مستعفی ہونے والے وزراء نے کہا ہے کہ وہ کسی طور پر اپنے استعفے پیش کرنے کا فیصلہ واپس نہیں لیں گے۔