نہرالبارد کیمپ میں لگ 150 افراد مارے گئے

وزیر دفاع الیاس المر نے کہا کہ الفتح الاسلام کے رہنماء اب فرار ہوچکے ہیں اور نہرالبارد کیمپ میں فوجی آپریشن ختم ہوگیا ہے۔

لیکن مصالحت کرانے والے مسلم مذہبی رہنماؤں نے کہا کہ الفتح الاسلام نے فائربندی پر سمجھوتہ کیا ہے۔ نہرالبارد پناہ گزیں کیمپ میں ایک ماہ کی لڑائی کے دوران بیس شہریوں سمیت ڈیڑھ سو سے زائد افراد مارے گئے۔

وزیر دفاع الیاس المر نے لبنانی ٹیلی ویژن کو بتایا کہ فوج نے ’ان دہشت گردوں کو کچل دیا ہے۔‘

نہرالبارد پناہ گزیں کیمپ  نہرالبارد پناہ گزیں کیمپ لبنان کے شہر تریپولی کے قریب واقع ہے۔ اس کی آبادی اکتیس ہزار ہے اور یہاں بسنے والے فلسطینی پناہ گزینوں کی تعداد لگ بھگ دو ہزار ہے۔ لبنان میں کل بارہ رفیوجی کیمپ ہیں جن میں ساڑھے تین لاکھ فلسطینی رہتے ہیں۔

لیکن وزیر دفاع کا کہنا تھا کہ الفتح الاسلام کے رہنماء نہرالبارد کی سویلین آبادی میں چھپ گئے ہیں اور فوج ان کا پیچھا کرتی رہے گی۔ ان کا اشارہ اس بات کی طرف تھا کہ کچھ مسلح جھڑپیں دوبارہ ہوسکتی ہیں۔

نہرالبارد رفیوجی کیمپ لبنان کے شہر تریپولی کے قریب واقع ہے۔ اس کی آبادی اکتیس ہزار ہے اور یہاں بسنے والے فلسطینی پناہ گزینوں کی تعداد لگ بھگ دو ہزار ہے۔ لبنان میں کل بارہ رفیوجی کیمپ ہیں جن میں ساڑھے تین لاکھ فلسطینی رہتے ہیں۔

فلسطینی رفیوجی یہاں اسرائیل کے قیام کے وقت آئے تھے اور روایت کے مطابق لبنانی فوج اس کیمپ میں داخل نہیں ہوتی ہے۔ لہذا رفیوجی کیمپوں میں سکیورٹی کا انتظام الفتح الاسلام کے پاس ہے۔

لبنان کی حکومت کا کہنا ہے کہ الفتح الاسلام کو شام کے خفیہ اداروں کی حمایت حاصل ہے جبکہ شام کی حکومت اس الزام کی تردید کرتی رہی ہے۔