انٹرنیٹ کی ایک خاصیت بدتہذیبی ہے: چینی بلاگر

حکومت نے فیصلے کا اعلان کرتے ہوئے کہا تھا کہ نام ظاہر کرنے کی شرط رکھنے سے بلاگ لکھنے والے زیادہ ذمہ داری کا مظاہرہ کریں گے۔ اس کے برعکس
بلاگروں کا موقف تھا کہ حکومت معلومات پر پابندی لگانا چاہتی ہے۔

بدتہذیبی  ’انٹرنیٹ کی ایک خاصیت بدتہذیبی ہے، ہم بد تہذیب ہیں اور انٹرنیٹ پر یہ حقیقت ظاہر ہوتی ہے بلاگر

نئے ضوابط کے تحت حکومت بلاگروں کی حوصلہ افزائی کرے گی کہ وہ اپنا اصل نام ظاہر کریں اور ایسے افراد کے لیے بہتر سروس کا وعدہ کیا گیا ہے۔ بلاگروں نے اس فیصلے کا خیرمقدم کیا ہے۔

چین کے ایک مشہور بلاگر پِنگ کے نے بی بی سی سے بات کرتے ہوئے حکومتی فیصلہ کو سراہا جس کے تحت لوگوں سے ’زبردستی ان کے کوائف حاصل کرنے کی بجائے ان کی حوصلہ افزائی کی جا رہی ہے‘۔ ایک اور معروف بلاگر وانگ زاؤفینگ نے کہا کہ وہ بری زبان برداشت کر سکتے ہیں لیکن نام ظاہر کرنے کی شرط کے حق میں نہیں۔

انہوں نے کہا ’انٹرنیٹ کی ایک خاصیت بدتہذیبی ہے، ہم بد تہذیب ہیں اور انٹرنیٹ پر یہ حقیقت ظاہر ہوتی ہے‘۔