’ملیشیا گروپوں کو سونے کے عوض ہتھیاروں فروخت کیے جاتے تھے‘

کانگو سے سونے کی غیر قانونی تجارت

دفترِخارجہ نے کہا کہ نیویارک میں قائم اقوام متحدہ میں پاکستان کے مستقل مشن کو اقوام متحدہ کے امن مشن کی طرف سے منگل کو اس بارے میں مطلع کیا گیا تھا۔

دفتر خارجہ کی ترجمان نے کہا کہ اقوام متحدہ کے امن مشن نے بتایا کہ بی بی سی نے پاکستانی فوجیوں پر لگائے جانے والے ان الزامات کے بارے میں ان کا موقف جانے کے لیے رابطہ کیا تھا۔ اقوام متحدہ کے امن مشن نے مزید کہا تھا کہ ان الزامات کی مکمل تفتیش کی جارہی ہے۔

ترجمان نے کہا کہ پاکستان کی طرف سے دنیا کے مختلف ملکوں میں جاری اقوام متحدہ کی امن کارروائیوں میں سب سے زیادہ فوجی فراہم کیئے گئے ہیں۔

انہوں نے کہا کہ اقوام متحدہ کی امن کارروائیوں اور امن کے استحکام میں پاکستان فوجیوں کا اہم حصہ ہے۔